Opten xxvi[ten] dach van novembri a(n)no xciii[c] xciii/ It(em) peter zwallart woenen(de) tot raetshoven in p(rese)ncia heeft/ genomen en(de) bekint genomen te hebben(e) tege(n) jouffr(ouwen) katheline(n)/ py(n)nocx wed(uwe) jonch(e)r lyebrechts wijlen hee(re) tot meldert tot/ buedi(n)gen vroedelingen en(de) voecht va(n) raetshove(n) (et)c(etera) de voechdie/ vand(er) selver jouffr(ouwen) wege(n) te bedienen en(de) de erfbede der selver/ jouffr(ouwen) en(de) alle chijsen rechte(n) en(de) p(ro)ffijte(n) dairtoe behoiren(de) inne te halen/ en(de) te bue(re)n van tot zijnder ave(n)tue(re)n en(de) laste inne te gaen(e) vand(en)/ lesten dage va(n) septembri lestleden eene(n) t(er)mijn va(n) sesse/ ja(r)en lang due(re)nde deen nae dande(r) sonder middel vervolgen(de)/ Elcx jairs dae(re)nby(n)nen om en(de) voe(r) viertich rinsschegulden(en) te/ twintich stuvers tstuc en(de) neghen mudden even(en) leeussche mate/ alle ja(r)e te lichtmesse te betalen(e) tgelt te loven(e) te leve(re)n en(de) deven(en)/ te thiene(n) oft te meldert dairt m(ijnre) jouffr(ouwen) gelieven sal te leve(re)n/ quol(ibet) ass(ecutu)[m] It(em) es vorweerde dat m(ijn) jouffr(ouwe) den voirs(creven) pete(re)n jairlix/ den voirs(creven) t(er)mijn due(re)nde gheve(n) sal een tabbartlaken alsoe zij hue(re)n/ ande(re)n dieners .doet? It(em) heeft de voirs(creven) peter bekint dat hem/ de voirs(creven) jouffr(ouwe) tzijne(n) aencomen(e) heeft geleent de p(or)celen va(n)/ gouden en(de) silve(re)n pe(n)ni(n)gen hier nae volgen(de) Ierst twee halve/ rooskens nobele It(em) vive hong(ar)sche ducate It(em) vive ande(r) gulde(n)/ ducate It(em) acht guld(en) schuyten It(em) een nyeuwe croone metter/ so(n)nen It(em) vijfthien(en) wil(hel)m(us) schilde It(em) eene(n) andriesgulden(e) en(de) noch/ viertich rinsschegulden(en) te twintich stuv(er)s tstuck in payme(n)te/ Welke p(or)celen en(de) so(m)men va(n) pe(n)ni(n)gen de voirs(creven) peter gelooft/ heeft der voirs(creven) jouffr(ouwen) te betalen(e) by(n)nen der maent va(n) meye/ naestcomen(de) t(am)q(uam) ass(ecutu)[m] te weten(e) alsulken gulden pe(n)ni(n)ge als/ zij hem geleent heeft en(de) tsilver en(de) payme(n)t alsoe dat ten/in valdage cours hebben sal behalve(n) dat hij met gheender/ hagemu(n)ten gestaen en sal En(de) des es inde voirs(creven) leeni(n)ge/ begrepen den t(er)mijn va(n)d(en) xl rinsschegulden(en) die te lichtmesse/ naestcomen(de) vallen sal en(de) alsoe sal de selve pet(er) betaelt hebben(de)/ de voirs(creven) pe(n)ni(n)gen oic d(air)mede gestaen en(de) quijt zij(n) vand(er) betali(n)gen/ vand(en) xl r(inssche)gul(den) [die] te lichtmesse naestcomen(de) vallen sullen En(de) alle/ dese vorweerden cor(am) vynck zande nove(m)br(is) xxvi