Allen (et)c(etera) dat scepen(en) kercmeesters heyligeest/ meesters en(de) alle de gemeyne ingeseten(en)/ en(de) gebue(re)n des dorps van nederijssche gemeynlijck/ en(de) eendrachtelijck geconst(itueer)t gestelt ende/ geordineert hebben ons procur(eur)s en(de) voirgangers/ te sijne Te weten(e) adriane v(er)heylwigen rintm(eeste)r/ van loeven(e) nu ter tijt lodewijcke vand(er) borch/ loenijse van udekem woute(re)n de ridder clase/ stevens gielijse goedgeselle henr(icke) smeyers/ gielijse den keyser en(de) clase den vleeschouwe(re)/ en(de) elcken van hen besunder in allen hue(re)n saken/ geschillen en(de) bederven die zij alsnu uutstaen(de)
//
hebben oft namaels hebben sullen van wegen/ en(de) inden name vand(en) voirs(creven) dorpe van nederijssche/ in aenleggers oft verweerders stad hoedanich/ die zijn Gheven(de) en(de) verleenen(de) den voirs(creven) constitueerd(eren)/ den voirs(creven) hue(re)n p(ro)cur(eur)s en(de) elken besundert ind(en)/ name vand(en) voirs(creven) dorpe van thoenre desen volcomen/ mach procuracie auctoriteyt en(de) sunderlinge/ bevel de selve saken met rechte te v(er)volgen(e)/ te bescudden(e) te verantwerden(e) en(de) bedwingen(e)/ te bedingen(e) en(de) te beleyden(e) tallen plaetsen/ voe(r) alle gericht(en) gheestelijck en(de) weerlijck/ en(de) tegen eenen yegelijk(en) dair des behoeven/ en(de) te doen(e) sal moegen wesen van wegen en(de)/ inden name vand(en) voirs(creven) dorpe het zijn wat/ sak(en) tvoirs(creven) dorp te doene heeft oft namaels/wesen [hebben] sal die te vervolgen(e) en(de) [te] bedinghen(e)/ die te wynnen(e) en(de) te verliesen(e) thoenisse ende/ waerheid(en) te leyden der weder p(ar)tien getuygen te/ sien en(de) ho(r)en swe(re)n die te batte(re)n en(de) te wederleggen(e)/ te replice(re)n te duplice(re)n alsoe wel int principael/ als int accessoir Ende alle pointen en(de) articlen/ van rechte dair toe te vorde(re)n en(de) te bewae(re)n die/ nae recht oft costume vand(er) plaetsen dair dat/ gebuert beho(r)en sal moeg(en) en(de) den voirs(creven) procur(eur)s/ orbelijck duncken sal en(de) voirtaen g(e)n(er)alijck en(de)/ spe(ci)alijck allet tghene dair inne te doen(e) en(de) te/ vorde(re)n dat de voirs(creven) constitueerde(re)n selve soud(en) moeg(en)/ doen in dien en(de) gelijck oft de voirs(creven) innegeseten(en)/ alle gemeynlijck dair tegewoirdich en(de) voe(r) oghen/ wa(re)n Ende voirts wes deen van hen in rechte/ begonnen sal hebben dat e(n)nich vand(en) ande(re)n/ dat sal moeg(en) middelen en(de) ofts noot zij tott(en)/ inde vand(en) rechte vervolgen Ende gheven hen
//
oic macht ind(en) name vand(en) voirs(creven) dorpe een oft meer/ procur(eur) oft procur(eur)s ofts noot zij te moegen(e) stellen(e)/ en(de) substitue(re)n om hue(r) saken te bewaren(e) en(de) te/ vervolgen(e) die in des voirs(creven) is gelijke macht hebben/ sal oft sullen Geloven(de) de selve constitueerde(re)n/ voirs ons in goed(en) trouwen ind(en) name vand(en)/ voirs(creven) dorpe altijt goet vast gestentich en(de)/ van weerd(en) te houden(e) en(de) te hebben(e) allet tgene/ des bijd(en) voirs(creven) procur(eur)s hue(re)n gesubstitueerd(en) en(de)/ oft den eenen van hen hier inne en(de) des dair/ aen cleven oft uuytspruyt(en) sal moegen gedaen/ en(de) gevordert sal wordden in e(n)nig(er) manie(re)n/ Behalven dat de voirs(creven) p(ro)cur(eur)s hue(r) gesubstitueerd(en)/ en(de) eenyegelijck van hen gehouden selen sijn van/ hue(re)n bewinde uutgeven(e) en(de) ontfange den/ voirs(creven) constitueerde(re)n altijt te hue(re)n manissen/ goede wettige rekeni(n)ge en(de) bewijs te doene/ Ende geloeven(de) oic onsen voirs(creven) procur(eur)s van/ allen last(en) en(de) cost(en) aengaen(de) den voirs(creven) dorpe/ te houden(e) en(de) tontheffen(e) sonder argelist due(re)nde/ dese p(ro)cu(r)acie en(de) machticheyt totten wed(er)roepen(e)/ vand(en) voirs(creven) constitueerde(re)n en(de) niet langhe(r) In/ orcond(en) (et)c(etera) cor(am) vynck zande novembr(is) penult(ima)