It(em) want h(er) wout(er) sweerts als confesseur/ en(de) voirgange(r) des goidshuys vanden xi[m] maechd(en)/ opde halfstrate te loven(e) als geleydt nae den/ rechte van des(er) stadt uuyt crachte van scepen(en)/ brieven van loven(e) tot alle den goeden beyde/ have en(de) erve jans wilen de sprenghe(re) soe/ waer die gelegen zijn hem met willem(me)/ claes vorste(r) alle de selve goede heeft doen/ leve(re)n Ende der weduwen en(de) kinde(re)n/ des voirs(creven) jans oft zij hen daer tegen hadden/ willen oppone(re)n dach van rechte alhier te/ compare(re)n inde banck voir meye(re) ende/ scepen(en) van loven(e) doen bescheiden ald(air) de/ voirs(creven) weduwe hue(r) kinde(re) oft ye nyema(n)t/ van hue(re)n wegen en zijn gecompareert den/ voirs(creven) geleidden co(m)pare(re)nde en(de) trecht vort v(er)sueken(de)/ Soe hebben de scepen(en) van loven(e) yerst ae(n)ge/ hoirt den voirs(creven) willem(me) claes die cleerde/ bij zijnen eede de leveri(n)ge en(de) dach beschei/ dinge voirs(creven) gedaen te hebben(e) ter maniss(en)/ smeyers gewesen met vo(n)nisse datmen den/ voirs(creven) geleidden vand(en) voirs(creven) goeden houden/ soude inde macht van zijnen scepen(en) brieven/ beleide soe v(er)re het noch voir hen scepen(en)/ comen wa(r)e in sca(m)pno Cor(am) om(n)ibus de(m)pt(is)/ waersege(re) vynck septe(m)br(is) xii