Tusschen katlinen vanden berghe docht(er)/ wilen yngels en(de) lijsbet(ten) weduwe
//
desselfs wilen yngels aengaen(de) der setti(n)ge(n)/ van xxv rinschguld(en) en(de) xxv peet(er)s bijd(er)/ voirs(creven) weduwen gedeponeert meest in/ oerden en(de) halve oerden tot behoef der voirs(creven)/ katlinen ende om haer betali(n)ge d te doen(e)/ naevolgen(de) der uuytspraken tusschen/ hen voirtijts gep(ro)nu(n)cieert d(air)mede zij/ meynde te gestaen(e) d(air)af de voirs(creven) katli(n)e/ sustineerde de contra(r)ie bij div(er)sen reden(en)/ die zij allegeerde Es get(er)mi(n)neert en(de)/ voir recht uutgesproken bijden rade/ vand(er) stadt notabelijc v(er)gadert dat de/ voirs(creven) weduwe met hue(re)n voirnemen(e)/ v(er)doilt es en(de) dat zij de betalinge/ sculdich soude zijn te doen(e) in pe(n)ni(n)ge(n)/ nae der lester valuatien d(air)af tderdel/ maer zijn en sullen moegen half/ stuv(er)s en(de) gheene pe(n)ni(n)gen van mi(n)de(re)n/ prijse In (con)s(ili)[o] opidi septe(m)br(is) xviii