Compare(re)nde voir den raide vand(er) stadt van loven(e)/ willem vand(er) mere sone wilen willems ter/ eenre zijden ende wille(m) van assche lieutenan(t)/ m(ijns) hee(re)n des meyers van loven(e) ter ande(re) heeft/ de voirs(creven) vand(er) mere v(er)haelt hoe al eist soe dat/ hij te meer stonden den voirs(creven) raide heeft ge/ claicht dat joes vand(er) mere sijn brued(er) joerken/ en(de) he(n)neken thienpont gebruede(re)n sone wilen gielijs/ alle van oudenaerde bijden diene(re)n des voirs(creven)/ meyers sond(er) reden(e) oft bescheidt tot hen te hebben(e)/ aengetast en(de) geva(n)gen sijn en(de) eene lange wile/ tot hue(re)n grooten ongerieve geva(n)gen hebben ge/ seten bege(re)nde den voirs(creven) lieutenan(t) alsoe ond(er)/ wesen te wordden(e) met rechte de voirs(creven) geva(n)gen(en)/ costeloes en(de) schadeloes to(n)tslaen(e) uuyt den voirs(creven)/ geva(n)genisse en(de) te restitue(re)n tgene des hen/ inden aentast afgenomen was oft hen te/ stellen te rechte en(de) met rechte hen te handele(n)/ tot hue(re)r conde(m)pnatien oft absolucien alsoe dat/ nae recht en(de) besund(er) den p(ri)vilegien van des(en)/ goeden lande van brabant behoirt en(de) sculdich/ es te geschien(e) en heeft nochtan de voirs(creven)/ lieutenan(t) tot noch toe de voirs(creven) geva(n)gen(en)/ tsamen niet willen o(n)tslaen al maecht soe/ zijn dat hij den voirs(creven) joese zijne(n) brued(er)/ hij willem vand(er) mere niet en heeft/ willen te vreden zijn besund(er) gem(er)ct dat/ zij uuyt en(de) van eend(er) stadt zijn en(de) in eene(n)/ geselscape uutgetogen ter goed(er) namen en(de)/ samen staen(de) Mits den welken den noot/ hen d(air)toe hadde gedrongen te impetre(re)n seke(re)
//
ons(er) genad(igs)[t(er)] hee(re)n brieven d(air)mede narratie/ van des voirs(creven) es gemaict bevolen wordt de/ voirs(creven) gevangen(en) costeloes to(n)tslaen(e) oft in manie(re)n/ voirs(creven) te rechte te stellen(e) Acht(er)volgen(de) den/ welken hij contenteerde ten ynde voirs(creven) v(er)sueken(de)/ d(air)op trecht oft and(er)s soude den noot hem zijn/ vorde(r) p(ro)visie te v(er)sueken d(air)op de voirs(creven) lieutenan(t)/ heeft geantweert dat voir den ae(n)tast en(de)/ geva(n)genisse der voirs(creven) geva(n)gen(en) seker exces omtri(n)t/ des(er) stadt was gebuert dwelc alsoe de fame ghinck/ bij ombekinde p(er)sone(n) gebuert was en(de) hadde d(air)o(m)me/ dese drie voirs(creven) p(er)sone(n) niet kynnen(de) doen ae(n)/ tasten alsoe doffic(ie)r van des(er) stadt en(de) een yegelijck/ and(er) offic(ie)r doen mach Ende hoe wel nae infor/ matie op al genome(n) hij soe wa(r)e geinformeert/ dat hij bereet wa(r)e hem to(n)tslaen(e) op alsoe dat/ zij den diene(r) daer zij hadden geseten woude(n)/ contente(re)n bege(re)nde aen den voirs(creven) raidt den/ voirs(creven) willem(me) vand(er) mere d(air)toe te willen/ ond(er)wijsen die d(air)inne egheenssins conse(n)t en woude/ dragen mair p(er)sisteerde in zijne(n) ynde en(de) co(n)/ clusien bege(re)nde d(air)op recht Es bijden voirs(creven)/ raide notabelijck v(er)gadert nae delibe(r)atie van/ raide uutgesproken en(de) get(er)mineert voir recht/ dat de voirs(creven) lieutenan(t) gehouden soude zijn/ de voirs(creven) drie p(er)sone(n) geva(n)gen(en) costeloes en(de)/ schadeloes to(n)tslaen(e) en(de) hen te doen r(e)stitue(re)n/ des hen inden ae(n)taste afgenome(n) mocht zijn/ oft dat hij sculdich soude zijn nae des lants/ en(de) des(er) stadt p(ri)vilegien te p(ro)cede(re)n met rechte/ van derden dage te derden dage tot hue(re)r/ conde(m)pnatie(n) oft absolutien alsoe dat behoirt/ In (con)s(ili)[o] opidi septe(m)bris xx

Acht(er)volgen(de) der uutspraken en(de) t(er)mi(n)atien van/ rechte op heden gegeve(n) en(de) gep(ro)nu(n)cieert/ tusschen de voirs(creven) p(ar)tien heeft de voirs(creven) offic(ie)r/ de voirs(creven) drie geva(n)gen(en) costeloes en(de) schadeloes/ o(n)tslagen uten geva(n)genisse en(de) hen doen r(e)stitue(re)n/ tgene des hen inden ae(n)taste afgenome(n) was/ gedaen opden dach en(de) int jair voirs(creven)