Alsoe als ten vervolge hee(re)n jans pyeders priest(er)s/ geleydt zijnde nae den rechte van des(er) stadt uut/ crachte van scepen(en) brieven van loven(e) tot alle den/ goeden beyden have en(de) en(de) erve wout(er)s wilen vand(en)/ ynde soe waer die gelegen zijn gescreve(n) es ge/ weest met brieven van des(er) stadt aen den meye(re)/ van cu(m)ptich oft zijnen stadhoude(re) te binckem/ alle de selve goede te leve(re)n en(de) te doen volge(n)/ den voirs(creven) geleidden oft den bring(er) der voirs(creven) brieve(n)/ in zijnen Ende den kinde(re)n des voirs(creven) wilen/ wout(er)s oft zij hen d(air)tegen oppone(re)n wilden dach/ van rechte alh(ier) te compare(re)n inde banck voir/ meye(re) en(de) scepen(en) van loven(e) doen bescheiden/ ald(air) de voirs(creven) kinde(re)n noch nyema(n)t van hue(re)n/ wegen niet en sijn geco(m)pareert den voirs(creven)/ geleidden compare(re)nde trecht voirt v(er)sueken(de)/ Soe hebben de scepen(en) van loven(e) nae dien/ hen gebleken is bij r(e)scripte des stadhouders/ vanden meye(re) van halen voirs(creven) de leveri(n)ge/ en(de) dach bescheidinge voirs(creven) behoirlijck geschiet/ te zijne ter manissen smeyers gewesen/ met vo(n)nisse datmen den voirs(creven) geleidden vand(en)/ voirs(creven) goeden houden soude inde macht van/ zijnen voirs(creven) scepen(en) brieven beleide soe v(er)re/ het noch voir hen scepen(en) comen wa(r)e Eisd(em)