Tusschen janne vand(er) stappen weert int/ scaep ter eenre en(de) janne meys pels
//
make(r) ter ande(r) zijden aengaen(de) eenen huerp(er)de/ d(air)mede de voirs(creven) jan meys gereden hadde geweest/ tot ghindt dwelc de voirs(creven) vand(er) stappen hem/ v(er)huert hadde welc p(er)t peert als de voirs(creven) vand(er)/ stappen seyde de voirs(creven) jan meys alsoe gereden/ hadde dat tselve peert was verwatert v(er)rect/ en(de) altemale v(er)dorven sustine(re)nde dat hij [dat] sculdich/ wa(r)e opte richten(e) en(de) de voirs(creven) jan meys p(rese)nteerde/ te thoonen met v oft vi goede manne(n) die/ bij en(de) met hem gereden hadden dat hij tselve/ peert niet anders gereden gewetert oft hem/ gedaen en hadde dan dande(re) huers selfs p(eer)de(n)/ gedaen en hadden en(de) dat tselve p(eer)t sieck/ was wordden te ghint alsoe dat hij een and(er)/ peert moest hue(re)n om vorts te trecken tot ype(r)/ Dwelc hem gecost hadde boven de huere vand(en)/ p(er)de te ghindt en(de) des tsieck peert inde herb(er)ghe/ v(er)teert hadde wel xxx st(uvers) aen den maersscalck/ sustine(re)nde mits dien vanden eyssche jans vand(er)/ stappen ongehouden te zijne Es nae dien/ de voirs(creven) jan meys tot zijnen thoone gewes(en)/ zijnde zijns v(er)meerts geheel volqua(m) bijden/ raide vand(er) stadt get(er)mineert en(de) uutgesproken/ voir recht dat jan meys vanden eyssche des/ voirs(creven) jans vand(er) stappen ongehouden sal zijn/ en(de) dat met betalingen vand(er) hueren gestaen/ sal In (con)s(ili)[o] opidi m(ar)cii xiiii