It(em) de voirs(creven) meester reynier renu(n)c(ians) heeft gelooft dat hij zijne(n) wy(n)ne/ nu wesen(de) in dien hebben sal dat hij tusschen dit en(de) paesschen naistcomen(de)/ sal come(n) voir scepen(en) va(n) loeven(e) en(de) gelove(n) der voirs(creven) jouffr(ouwen) jairlix in/ afslage va(n) zijne(n) pachte die hij den voirs(creven) meeste(re)n [reynie(re)] nu sculdich es oft/ wordden sal den t(er)mijn va(n) zijnder pechtinge(n) uut due(re)nde te betalen(e)/ de voirs(creven) x mudde(n) En(de) dat hij voirt va(n) tijde te tijde als de selve/ pechti(n)ge v(er)nyeut sal wordden den selven wy(n)ne oft ande(re)n toecomen(de) wy(n)ne/ in dien hebben sal dat zij va(n) gelike(n) gelove(n) sullen totter tijt toe dat/ de voirs(creven) rinte afgeq(ue)ten en(de) gelost sal zijn Heeft voirt gelooft dat hij/ der j voirs(creven) jouffr(ouwen) los en(de) vry houde(n) sal va(n) pontghelde en(de) alle(n) ande(re)n/ laste(n) uut saken va(n) desen coope spruyten(de) cor(am) eisd(em)