Condt zij allen lieden dat gielijs cressart/ sone wout(er)s in p(rese)ntia heeft genomen en(de)/ bekint genomen te hebben(e) tegen hee(re)n/ janne pynnock ridde(r) thof desselfs hee(re)n/ jans mette(n) huysingen schue(re)n hove/ wynnen(de) landen beemden en(de) allen zijne(n)/ toebehoirten geleggen te ned(er)ijssche Te/ houden te hebben van des(en) half m(er)te eene(n)/ t(er)mijn van sesse jai(r)en lang due(re)nde deen/ nae dand(er) sond(er) middel v(er)volgen(de) elcx/ jairs dae(re)nbynnen om en(de) voi(r)e de voirs(creven)/ landen om xxxii mudden rogs pag(abilis)/ cum vanno mensu(r)e lovan(iensis) alle jai(r)e s(in)[t]/ andriesmisse ap(oste)ls te betalen(e) Ende te loven/ ten huyse des voirs(creven) hee(re)n jans te leve(re)n/ en(de) de voirs(creven) beemde om en(de) voir vijfthien/ rinschguld(en) te xx stuv(er)s tstuck alle jai(r)e s(in)[te]/ m(er)tensmisse te betalen(e) quol(ibe)t ass(ecutu)[m] Met/ condicien en(de) voirw(er)den dat de voirs(creven) wynne/ de voirs(creven) lande wel en(de) wel en(de) loflijck/ sal wynnen werven ende mesten gelijck/ regenooten boven en(de) beneden en(de) die laten/ tsijnen afscheiden te weten(e) tot v thien/ boend(er) toe met wynt(er) coren(e) rogge en(de)/ t(er)we en(de) de stortte eens om gedaen It(em) m(ijn)/ hee(re) en(de) de wyn sullen jairlijcx deylen/ dooft vand(en) voirs(creven) goeden des sal m(ijn) hee(re)/ den lese(re) betalen en(de) de wyn sal hem den/ mo(n)tcost betalen It(em) sal de wynne/ hebben alle trunchout aen de voirs(creven)/ goede staen(de) soe v(er)re het hafteel ge/ gaen heeft en(de) oic alle v(er)droochde willige(n)/ dies sal hij stellen en(de) setten voir elke
//
v(er)droochde willige twee leven(de) poten en(de) des/ sal hij sculdich zijn te v(er)maken(e) te vegen/ en(de) te ruymen de wegen grechten ende/ wat(er)leyen aen en(de) omtrint den voirs(creven) goeden/ It(em) dat de wyn jairlijcx sal moeten leve(re)n/ lx busselen walme(re)n tott(er) r(e)p(ar)atien vand(en)/ huysingen vanden voirs(creven) hove en(de) alsmen/ dien v(er)dect sal m(ijn) de wynne den werclieden/ den mo(n)tcost gheven en(de) m(ijn) hee(re) sal de dachue(re)n/ betalen en(de) sal de wynne alle behoefte/ tott(er) r(e)p(ar)acien van leeme teenen en(de) d(er)re/ gelijke It(em) sal de wynne houden de huysinge(n)/ in goed(er) r(e)p(ar)atien vand(er) ond(er)ster rijkelen/ ned(er)weert op zijnen last It(em) m(ijn) hee(re) sal den/ wyn alle twee jairen moeten geven een/ tabbaert laken oft drie schilde d(air)voe(r) des moet/ hij m(ijn) hee(re) tsjaers d(air)voe(r) doen sesse corweyen/ It(em) de voirs(creven) wynne sal vanden lx mudde(n)/ rogs en(de) vanden lxxvii r(insch)g(ulden) die hij m(ijnen) voirs(creven)/ hee(re) noch sculdich en(de) tacht(er) es van voir/ pechtingen jairlijcx betalen de voirs(creven) vi jai(r)en/ lang due(re)nde thien mudden rogs en(de) vie(r)/ en(de) eenen halven rinschguld(en) dwelc hij/ geloeft heeft ta(m)q(uam) ass(ecutu)[m] Ende alle dese voir/ weerden (et)c(etera) Ende hier voe(r) zijn borghen als/ principale sculders en(de) oic voir de voirs(creven) voir/ scult de voirs(creven) wout(er) en(de) magriete zijne/ huysvrouwe Coram as abs(oloens) zande m(ar)cii xvii