Vand(er) aenspraken die jacop witteman gedaen heeft inde banck/ voir meye(re) en(de) scepen(en) van loeven(e) op en(de) tegen ja(n)ne witteman/ van thielt seggen(de) hoe dat des een wijlen geleden hij ten/ versueke des voirs(creven) jans borge(n) bleven was voir alsulken/ huysraet als lijsbeth heyms wed(uwe) henr(icx) wijlen van gulcke/ met rechte hadde beslage(n) voir seke(re) huyshue(re) die hij hem/ eysschen(de) was en(de) die de selve jan alsoe dair op hadde ont/ slagen van welcken bortocht borchtocht de voirs(creven) jan hem hadde/ geloeft costeloes en(de) schadeloes tontheffen(e) hem des gedragen(de)/ totten regi(m)e en(de) p(ro)thocolle dair af op derde came(re)/ geregistereert Seggen(de) voirt dat hij uut saken van dien/ hadde betogen geweest voir den raide van des(er) stadt/ en(de) dat hij aldair met rechte was gecondempneert der voirs(creven)/ weduwen te voldoen(e) oft hue(re)n moet te gecrigen(e)/ des hij hem gedroech tot eender t(er)mi(n)acien geregistereert/ staen(de) in des(er) came(re)n dat hij voirt voir tvoldoen vand(er)/ selv(er) t(er)mi(n)acien was geweest gestelt in hachte(n) en(de) hadde d(air)af/ moete(n) crigen den moet der voirs(creven) wed(uw)[en] hem des van/ al gedragen(de) totte(n) hee(re)n wethoude(re)n die dair af te spreken(e)/ wiste(n) dair tege(n) de voirs(creven) jan hem verantwerden(de) bekinde/ tvoirs(creven) ontslach geschiet te zijne en(de) oic gelofte van ontheffen(e)/ bij hem gedaen mair dede seggen dat de voirs(creven) jacop zijn/ sake tegen de voirs(creven) wed(uwe) qualijc vervolcht beleyt ende/ verantweert hadde en(de) dat hij geconsenteert soude hebben/ hue(r) te moege(n) behulpe(n) bijd(er) stad met eene(n) getuyge met
//
meer woorde(n) en(de) uutwege(n) bij he(m) geallig(eer)t sustine(re)nde mits dien/ vand(er) lossingen en(de) ontheffingen des voirs(creven) jacops ongehouden/ te zijne Es bij scepen(en) van loeven(e) ter manissen smeye[r]s gewijst/ met vo(n)nisse dat jan witteman sculdich sal sijn den voirs(creven)/ jacoppe acht(er)volgen(de) der gelofte(n) bij hem gedaen costeloes en(de)/ schadeloes te lossen(e) en(de) tontheffen(e) In scampno m(ar)cii xx[ma]