Alsoe als ten vervolghe jans baers als man en(de)/ mo(m)boir magrieten vyngers zijnder huysvrouwen/ weduwe daneels wijlen van cueringen geleyt zijnde/ nae den rechte van des(er) stadt uut crachte van scepen(en)/ brieven van loeven(e) tot allen den goeden beyde have/ en(de) erve jans ty(m)mermans geh(eten) de verwe(re) en(de) zijnd(er)/ huysvrouwen soe wair die gelegen zijn met brieven/ van des(er) stad gescreven es geweest aen den meye(re) van/ aersschot oft sijnen stadhoude(re) Ende versocht zee(r)/ ernstelijck alle de goede der voirs(creven) p(er)sonen te leve(re)n/ en(de) te doen volgen den voirs(creven) geleidden oft den bring(er)/ der voirs(creven) brieven in zijnen name Ende den voirs(creven)/ p(er)sonen oft zij hen dair tegen hadden willen/ oppone(re)n dach van rechte alh(ier) te compare(re)n inde/ banck voir meye(re) ende scepen(en) van loeven(e) doen/ bescheiden Aldair gheen van hen noch procur(eur) van/ hue(re)n wegen en es gecompareert den [voirs(creven)] jan compare(re)nde/ ende trecht voirts versueken(de) Soe hebben de/ scepen(en) van loeven(e) nae dien hen behoirlijck gebleken/ heeft bij rapporte baudewijn bellens de voirs(creven) leveri(n)ge en(de)/ dach besch(eiden) bijd(en) voirs(creven) meye(re) behoirlijck geschiet te/ zijne ter manissen smeyers gewesen met vo(n)nisse datmen/ den voirs(creven) geleidden vand(en) voirs(creven) goeden houden soude inde/ macht van sijnen scepen(en) brieven beleidde soe verre het noch/ voir hen scepen(en) comen is In scampno nove(m)br(is) xxi