Vand(er) questien gecomen voir den raide vand(er)/ stad tusschen gheerde van hove en(de) denijse van/ oudreghem aengaen(de) eender come(n)scap van xvi/ mudden rocx die de voirs(creven) denijs tande(re)n tijden/ tegen den voirs(creven) g(heer)de alsoe hij seyde gecocht hadde/ elc halst(er) om en(de) voe(r) vi stuv(er)s en(de) (½) brasd(enier) dair/ op de selve gh(eer)t bekinde ontfangen te hebben(e) de so(m)me/ van dertich rinsgulden(en) bege(re)nde vand(en) surplus/ te hebben(e) betalinge p(rese)nteren(de) den selven denijse/ d(air)aen te cortten(e) negen halst(er) corens die gh(eer)t myn/ gelevert hadde ten prijse als de come(n)scap inhielt/ d(air) tegen de voirs(creven) denijs hem v(er)antwerden(de) seyde/ datmen niet bevi(n)den en soude dat hij e(n)nige/ come(n)scap tegen hem hadde gedaen mair was wel/ wair dat een geh(eten) jan vrancx die lange ov(er)leden/ was die tege(n) hem gedaen hadde en(de) dat de voirs(creven)/ denijs met hem mocht deylen en(de) alsoe want/ de voirs(creven) g(heer)t als hij bekinde gehaven hadde van/ hem de xxx rinsgulden(en) soe hadde hij meer dan/ zijn p(ar)t betailt oic en was de come(n)scap/ niet ge[vol]levert op negen halst(er) corens nae en(de) oic/ wa(r)en ten tijde vand(er) come(n)scap een gelach
//
gedroncken dair voe(r) g(heer)t toegeseet hadde te cortten(e)/ vier halst(er) corens sustine(re)nde alsoe ongehouden te/ zijne en(de) dat g(heer)t tsurplus volghde aen des voirs(creven)/ wijlen jans vrancx goede d(air)tegen de voirs(creven) geert/ replice(re)nde p(rese)nteerde te thoenen(e) dat denijs de come(n)scap/ genoech bekint hadde en(de) aengaen(de) den lijcoepe/ soe verre denijs dorste zwe(r)en dat hij die sculdich/ wa(r)e te corten(e) hij p(rese)nteerde hem die oic te corten(e)/ oft hij p(rese)nteerde selve den eedt dair voe(r) te doen(e) dat/ des gheene vorweerde en was Es nae dien de voirs(creven)/ g(heer)t zijnen thoene gewijst zijnde genoech bewesen/ heeft bekint te zijne bij denijse de leveri(n)ge geschiet/ te zijne op negen halst(er) corens nae en(de) vier halst(er)en/ van lijcoepe get(er)mineert en(de) uutgesproken voir/ recht dat denijs van oudregem de come(n)scap sculd(ich)/ sal zijn te voldoen(e) nae dat de waerheyt gedragen/ heeft behalven dat denijse d(air)aen cortten sal tgene/ des hij dair op betailt heeft de negen halst(er)/ corens die gheert myn gelevert heeft en(de) oic de/ iiii halst(er) van lijcoepe soe verre hij dair op betailt/heeft de negen halst(er) corens denijs den eedt doet/ die hem gheerdt ov(er)gegeven heeft van dien en(de) dat/ in alsulken prijse als de come(n)scap inhielt lat(en)/ nove(m)br(is) xxii