Item willem van thienen van kersbeke sone/ wijlen henr(ix) heeft geloeft francisco vand(en)/ houte en(de) joh(ann)ese nijs sesthien mudden rogs/ goet en(de) payabel met wa(n)ne en(de) vede(re)n/ wel bereyt op alsulken stael als onder wet/ gestelt es gheen arger mer beter der maten/ van loeven(e) tusschen dit en(de) vastelavonde/ naistcomen(de) en(de) alsdan vollevert te zijne Te/ weten(e) den voirs(creven) francisco thien mudden dair af
//
en(de) joh(ann)ese nijs de vi mudden dair af tot elcx/ huyse te leve(re)n t(am)q(uam) ass(ecutu)[m] Met voirweerden soe/ verre hij beter coren leverde dan tvoirs(creven) stael/ es en(de) dat weert wa(r)e te goetsmans prijse/ hen des verstaen(de) bove(n) de vier stuv(er)s opt mudde/ dat zij hem dat meer bove(n) de iiii st(uvers) sullen/ oprichten en(de) soe verre het niet meer weert/ en wa(r)e dan iiii st(uvers) opt dmudde oft dair/ onder dat zij d(air)af willem(me) niet goetdoen/ en sullen Renu(n)c(ians) de voirs(creven) willem in desen/ van allen exceptien p(ri)vilegien statuyten en(de)/ alle ordinan(tien) en(de) publicatien gedaen oft te/ doen(e) die tegen des voirs(creven) es den voirs(creven) willem(me)/ te staden en(de) den voirs(creven) franc(isco) en(de) joh(annese)/ tonstaden comen mochten cor(am) vynck zande/ nove(m)br(is) penult(ima)