It(em) jouffr(ouw)[e] magriet moyalen wettige huysvrouwe/ goirts van coni(n)xloe met wille weten(e) consente en(de)/ bijwesen(en) desselfs goirts huers mans in p(rese)ntia heeft/ voir hue(r) ende hue(r) naecomelingen geratificeert gelaudeert/ en(de) geapprobeert alsulken submissie als deselve/ goirt hue(r) man en(de) mo(m)boir onlanx aengegaen is van/ alsulken geschille als tusschen hue(r) en(de) jouffr(ouwen) lijsbette(n)/ sleeuws wed(uw)[e] henricx wijlen moeyalen huer(er) moed(er)/ uutstaen(de) was aengaen(de) tweelf ryns guld(en) lijftocht(en)/ van xii jae(re)n verloope(n) en(de) des dien ae(n) cleeft en(de)/ oic alsulken ae(n) uuytsprake als bij goede ma(n)ne(n) arbiters
//
dair toe genome(n) onlanx leden voir scepen(en) van lye(r) uutgesproken/ is Geloven(de) tegen deselve uuytsprake ne(m)mermeer te comen(e)/ oft te doene noch der selver huer(er) moeder oft hue(re)n naecomeli(n)g(en)/ buyten ende contrarie der selver uuytspraken ne(m)mermeer/ te moyen aen te spreken(e) oft te moleste(re)n in gheender/ manie(re)n bij huer selve(n) noch nieman(de) anders van hue(re)n wege(n)/ in gheene(n) rechte gheestelijck oft weerlijck mair deselve/ uutsprake voir goet vast gestentich en(de) van weerde(n) te/ houden tot eeuwigen dagen huer dair mede houden(de)/ content en(de) wel te vreden cor(am) blanck(art) naen febr(uarii) xvii