Cont zij allen lieden dat claes crabbe en(de) cornelijs crabbe/ sijn sone in p(rese)ntia hebbe(n) genome(n) en(de) bekynne(n) genome(n)/ te hebben(de) tegen meest(er) clase virili huys en(de) hof/ mette(n) wynnen(de) landen d(aer) toe behoiren(de) houden(de) tsame(n)/ deselve wynnen(de) landen xxii(½) boende(r) geleg(en)/ torme(n)dale opden driesch met oic iiii boende(r) beempde(n)/ oft d(aer) omtrint Te houde(n) te hebbe(n) te wynne(n) en(de) te/ werve(n) van half merte naestcomen(de) eene(n) t(er)mijn van/ tweelf jae(re)n lang due(re)nde deen nae dander sonder/ middel vervolgen(de) elcx jairs d(aer)enbynne(n) de voirs(creven)/ wynnen(de) lande elc boender voir xxii mol(evaten) rogs pag(abilis)/ cu(m) va(n)nu mensu(r)e lovan(iensis) en(de) opde(n) selve(n) gront gewassen/ op dats d(aer) soe vele gewassen es alle jae(re) s(in)[t]/ andr(iesmiss)[e] ap(oste)ls te betalen(e) en(de) te loeven(e) op sijne(n) cost dairt/ meest(er) clase gelieve(n) sal te leve(re)n Ende de voirs(creven)/ beempde om en(de) voe(r) zesse rins guld(en) en(de) xii st(uvers)/ jairlijx s(in)te m(er)ten(smiss)[e] te betalen(e) den voirs(creven) t(er)mijn/ due(re)nde quoli(be)t ass(ecutu)[m] Behalve(n) dat de voirs(creven) meest(er)/ claes en(de) voirs(creven) wyn wien het gelieft ten halve(n)/ tijde sal moege(n) scheyden dies sal de ghene die/ scheyden wilt gehoude(n) sijn i jair dat den ande(re)n/ te voe(re)n te cundigen It(em) es vorweerde dat de voirs(creven)/ wyn nieman(de) int voirs(creven) hof en sal moegen sette(n) het/ en sij bij consente des voirs(creven) cl meest(er) claes It(em) sal/ de voirs(creven) wyn gehoude(n) zijn jairl(ijx) den voirs(creven) meest(er)/ clase te leve(re)n ende te geve(n) twee slachverkene(n)/ s(in)te mertens(miss)[e] die te loeven(e) leve(re)n elken verken/ van twee oechsten It(em) es voirt vorweerde dat meest(er)/ claes voir uuyt hebben sal en(de) behouden de erve die/ hij nae vercregen heeft van robbeerde inde(n) pollepel/ en(de) woute(re)n van thiene(n) Te weten(e) inde poirte mette(n)/ huyse en(de) bogarde om d(aer) mede sijne(n) vrijen wille/ te doene het sij dat hij [dair] selve quame ligge(n) oft dat/ hij d(aer) yeman(de) anders inne stelde diet in zijne(n) name
//
verwairde en(de) sal nochtan de voirs(creven) wyn gehoude(n) zijn/ tselve erve te weten(e) thuys mette(n) boogarde te bevrijen/ en(de) te bescudden van allen laste(n) ende schaden nae sijn/ beste gelijc sijns sels erve Ende in gevalle m(eester) claes/ d(aer) e(n)nige arme vrouwe inne sette diet hem ope(n)hielt/ soe sal die vrouwe sond(er) begrijp moege(n) houden vive/ oft vi hoende(re)n opde messie aldair It(em) want de voirs(creven)/ wyn de landen voirs(creven) in zijne aencompst bevonde(n) heeft/ inde manie(r) hier nae volgen(de) Te weten(e) den wynteraert/ op vie(r) getidige voren de stortte eens o(m)megedaen/ en(de) de brake geheel soe es vorweerde dat de voirs(creven)/ wyn(ne) de voirs(creven) landen in sijn [hue(r)] scheyden alsoe late(n) sulle(n)/ besayt en(de) geart alsoe zijse vonde(n) ende deselve landen/ en(de) goeden wynne(n) en(de) werve(n) wel en(de) loflijc gelijc/ regenote(n) bove(n) en(de) beneden ende grebben maken op/ de velde dairt best te doene sal wesen om den vloet/ te wachtene dair zij salle(n) come(n) en(de) moegen It(em) sall(en) de/ voirs(creven) wyn(ne) de wegen moete(n) houden ende maken/ dair die voirs(creven) goeden voe(r) gehouden mochten zijn/ ende desgelijx de grechte(n) moeten ruyme(n) bynne(n) ende/ buyten ende de grecht int elsbroeck moete(n) ruymen/ ingaens en(de) den dijck nederworpe(n) en(de) slichte(n) en(de)/ elke grecht alsoe ruymen op hue(re)n cost dat die/ niet beleyt en wordden want dat op hue(re)n cost/ wesen soude It(em) es vorweerde dat de voirs(creven) wyn(ne)/ tuyne(n) sulle(n) moete(n) luyken int hof en(de) inde beempden/ die den hove toebehoire(n) dairt behoeft sonder meest(er) claes/ cost It(em) dat de voirs(creven) wyn(ne) int yerste jair stelle(n) en(de)/ planten sulle(n) moete(n) l poten en(de) die altijt leven(de) houden/ en(de) voir elke verdroochde willige twee poten setten/ vand(en) selve(n) It(em) es oic voirweerde dat de voirs(creven) wyn(ne)/ jairlijcx leve(re)n sulle(n) vijftich busselen walms om dat hof/ en(de) huysen mede te decken(e) ende de voirs(creven) wyn(ne) salle(n)/ den deckers den mo(n)tcost geve(n) alsoe langhe als zij
//
dair over decken en(de) meest(er) claes sal de dachue(re)n/ betale(n) It(em) sulle(n) de wyn(ne) de huysen stalle(n) en(de) schue(re)n/ onderhouden tsijnen [thue(re)n] coste vander onderster rijkelen/ nederwerts en(de) in alle oude werken die te maken/ en(de) te r(e)p(ar)are(n) sijn sulle(n) de wyn(nen) den wercluden den/ mo(n)tcost geven en(de) den leem halen diemen dair/ verwerken sal It(em) de wyn(ne) salle(n) jairlijx dappelboome(n)/ vande(n) groote(n) en(de) cleyne(n) bogarden moete(n) ontgrave(n)/ en(de) mesten ende wyn sal hebbe(n) alle de ooftboome(n)/ en(de) willigen die dair verdroogen sulle(n) en(de) des/ sulle(n) zij voir elken verdroochden boom sculd(ich) sijn te/ stellen(e) twee jonghe vander selver natue(re)n It(em)/ es noch vorweerde dat meest(er) claes hebben sal/ voir sijn deel alle de vruchte(n) die wassen sulle(n)/ inden cleyne(n) boogart die hij vercrege(n) heeft tegen/ robbeerde inde(n) pollepel en(de) woute(re)n van thiene(n)/ ende de wyn(nen) salle(n) voir sijn [hue(r)] deel hebbe(n) alle de/ vruchte(n) die wassen sulle(n) inden groote(n) bogaert en(de)/ de weye vand(en) groote(n) bogarde aen de messie/ mair de wyn(nen) sulle(n) dair inne gehouden sijn dat/ zij meest(er) clase sijne vruchte(n) die in zijne(n) bogart/ wassen sulle(n) sulle(n) moete(n) te loeven(e) leve(re)n mair meest(er)/ claes sal sijn vruchte(n) selve op sijne(n) cost doen lesen/ en(de) de wyn(ne) de sijne [huere] It(em) es vorweerde dat de voirs(creven)/ wyn(ne) die pachte(n) vue(re)n sulle(n) bynne(n) en(de) buyte(n) loeven(e)/ daer meeste(r) claes die sculd(ich) es It(em) de wyn(nen) sulle(n)/ gehoude(n) sijn alle de chijsen uuyte(n) voirs(creven) goeden/ gaen(de) in tijts te betalen(e) [tot] tes hue(re)n laste in afcorting(en)/ van sijne(n) [hue(re)n] weyghelde It(em) salle(n) de wyn(nen) den wijn/ hanteren bynne(n) den hove sonde(r) begrijp It(em) [es] noch vorw(er)de/ als meest(er) claes tolme(n)dale liggen(de) heeft berhout/ wijn oft coren dat de wyn(nen) dat sulle(n) moete(n) te/ loeven(e) leve(re)n tot meest(er) claes huyse It(em) de wyn(nen)/ en sullen gheen opgaende hout moege(n) afhouwe(n) dan
//
truncken ten behoirlijken tijde gelijc voirwynne(n) dat/ geploge(n) hebbe(n) te doene en(de) int elsbroec sal de/ pachte(r) houwe(n) alsoe dat p(ro)ffijtelijc es It(em) de wyn(ne)/ sulle(n) den duven te wynt(er)tijde sculd(ich) sijn teten te/ geven(e) als sijs behoeve(n) en(de) dair voe(r) sulle(n) de wyn(ne)/ tduyve(n) mest hebben It(em) noch es vorweerde oft/ den voirs(creven) meeste(r) claese beliefde teenige(n) tijde scape(n)/ uuyt te stellen soe sulle(n) de wyn(nen) die ter helicht neme(n)/ alsoe dat gewoenlijc es te doene It(em) de wyn(ne)/ sulle(n) gehouden sijn tsijne(n) [thue(re)n] afscheyden(en) tvoirs(creven) hof/ besaeyt en(de) bevreet te laten(e) soe zij dat vonden hebbe(n)/heeft thue(re)n ae(n)comen(en) en(de) al sonder argelist Ende/ alle dese vorweerde(n) (et)c(etera) d(i)c(t)o m(a)g(ist)ro nicolao renu(n)c(ians)/ cor(am) borch(oven) naen febr(uarii) xxii