It(em) es de voirs(creven) guedinge geschiet te dier meyni(n)g(en)/ want de voirs(creven) jordaen des mach leden zijn omtr(ent)/ xiii nachte(n) bleven es borghe voir den voirs(creven) baudewijne
//
inde cancelrie van bourg(oign)[en] gelijc dat aldair blijct/ voir de so(m)me van hondert en(de) dertich rins guld(en) dat/ in alsoe verre hij oft sijne naecomeling(en) die so(m)me int/ geheel oft in deele moeste betale(n) dat hij sal moege(n)/ verhalen aen tvoirs(creven) huys met vercoope oft anderssins/ met alle cost(e) en(de) co(m)me(r) die hij dair o(m)me soude/ moegen doen sij wae(re)n van rechte oft ande(re) en(de) oft/ dair yet overde dat sal den voirs(creven) gehuysschen come(n)/ Ende de voirs(creven) borchtocht ontslagen zijnde soe sal/ de voirs(creven) guedinge te nyeute zijn ende oft soe geviele/ dat de voirs(creven) gehuysschen den voirs(creven) ynghel v(er)coope(n)/ wouden nu oft bynnen middelen tijde dwelc zij doen/ moegen niet tegenstaen(de) der voirs(creven) gueding(en) soe/ es vorweerde dat zij den voirs(creven) jordane sulle(n) late(n)/ volgen voir al de voirs(creven) so(m)me dair voe(r) hij borge/ es bleve(n) met allen coste en(de) co(m)me(r) oft anders en sulle(n)/ sij den voirs(creven) ynghel niet moege(n) vercoope(n) eisd(em)