Alsoe als ten vervolge jans alarts geleyt zijnde nae des(er)/ stad recht voir sijn wettich gebreck uuyt crachte van/ scepen(en) brieve(n) van loeven(e) tot alle den goeden beyde/ have en(de) erve henricx vande(n) vynne soe wair die/ geleg(en) sijn met brieve(n) van des(er) stad gescreve(n) es geweest/ aen alle officie(re)n en(de) versocht zeer ernstelijk alle de/ goede des voirs(creven) henricx te leve(re)n en(de) peyslijc te doen/ volgen den voirs(creven) geleydden oft den bringer ons(er) br(iev)[en]/ in zijne(n) name ende den selve(n) henr(icke) sijnder huysvr(ouwe) ende/ hue(r) wynne(n) oft zij hen dair tegen hadden willen oppone(re)n/ dach van rechte op heden dienen(de) inde banc voir meye(r)/ en(de) scepen(en) van loeven(e) te bescheyden(e) Tot welke(n) dage/ niema(n)t van hen noch p(ro)cur(eur) van hue(re)n wegen en/ compareerde den voirs(creven) geleydden compare(re)nde ende/ trecht voirt versueken(de) soe hebbe(n) de scepen(en) va(n) loeven(e)/ ter manisss(en) smeyers gewesen met vo(n)nisse nae dien/ hen bij r(e)scripte mathijs van rode meye(r) va(n) caggevy(n)ne/ behoirlijck gebleke(n) was de leveri(n)ge vand(en) voirs(creven) goede(n)/ gedaen te zijne en(de) p(ar)tie(n) dachbesch(eiden) datme(n) den voirs(creven)/ geleydden vand(er) voirs(creven) goeden houden soude inde macht/ van zijne(n) scepen(en) brieve(n) soe verre alst noch voir hen/ scepen(en) come(n) was in sca(m)pno cor(am) om(ni)b(us) febr(uarii) iiii