Cont zij allen lieden dat machtelt van hallebeke wed(uw)[e]/ jans wijlen vander lanen in p(rese)ntia heeft genome(n) teg(en)/ ja(n)nese vander gouwen als p(ro)cur(eur) hee(re)n jans va(n) bloys/ ridders thof geheete(n) rogs hof geleg(en) inde prochie/ van holsbeke mette(n) huysing(en) schue(re)n stalle(n) hove bogarde/ wynnen(de) landen houden(de) omtrint vijf ende een half boender/ lants ende oic mette(n) beempden dair toe behoiren(de) houden(de)/ omtrint sesse boender te houden ende te hebbe(n) van half/ merte naistcomen(de) eene(n) termijn van neghen jae(re)n lang/ due(re)nde deen nae dander sonder middel vervolgen(de)/ elcx jairs te weten(e) de wynnen(de) landen om ende voe(r)/ tweelf mudde corens pag(abilis) cu(m) va(n)no mens(ur)[e] lovan(iensis)/ alle jae(re) s(en)t andr(iesmiss)[e] ap(oste)ls te betalen(e) en(de) te loeven(e) te leve(re)n/ ende de voirs(creven) beempde om en(de) voe(r) xxiiii r(ins)g(ulden) te xx/ st(uvers) tstuck alle jae(re) s(en)te mertens(miss)[e] te betalen(e) quol(ibe)t ass(ecutu)[m]/ met cond(ici)[en] dat de voirs(creven) wynnersse de voirs(creven) goede/ wel ende loflijck sal wynne(n) ende werve(n) gelijck/ regenote(n) boven ende beneden ende die laten tsijne(n)/ afscheyden(en) gelijc zij die bevi(n)den sal tot hue(re)n ae(n)comen(en)/ Te weten(e) vi dach(mael) geleg(en) in drie stucken inde/ vernoyen(en) strate met wynt(er) coren(en) besaeyt op sijn vie(r)/ getidege vore(n) ende dande(r) twee aerde soe die sculd(ich)/ sijn te liggen(e) te halfmerte It(em) dat de wy(n)nersse de/ beempden wel en(de) loflijck sal bevreden ende [de] grechte(n)/ ruyme(n) ende slippe(n) en(de) waterloope(n) oic ruymen/ alsoe in tijts dat m(ijn) hee(r) dair af gheene schade en hebbe/ It(em) dat de wynnersse sal houden in goeder rep(ar)atien/ de huysingen vanden voirs(creven) hove vander onderster rijkele(n)/ nederwerts op hue(re)n cost en(de) alsmen dect oft plect/ aende oude huysinge sal de wynnersse den werclude(n)/ den montcost geve(n) en(de) m(ijn) hee(r) sal de dachue(re)n betale(n)/ die de wynnersse sal moete(n) verlegge(n) in afslage/ vande(n) weyghelde en(de) sal de wynnersse moete(n) nairde(r)/ halen de stoffe die men behoeve(n) sal tott(er) rep(ar)atien/ vand(er) ouden huysing(en) It(em) dat de wynnersse alle jae(re)
//
leve(re)n dertich bussele(n) walms om de oude huysing(en)/ d(aer) mede te r(e)pare(re)n en(de) zij en sal gheene(n) walm/ moegen vercoope(n) mair sal tstroo moete(n) etten int hof/ en(de) te meste bekee(re)n ende dat vue(re)n opde lande vand(er)/ voirs(creven) hove slants meeste(n) proffijte It(em) de wy(n)nersse/ sal m(ijn) hee(r) oft sijnder vrouwe(n) moete(n) doen alle jare/ vijf corweyden met hue(re)n wagen(en) ende p(er)den It(em)/ dat mijn hee(r) en(de) de wynnersse sulle(n) hebben tsruyt/ vand(en) boogarde half en(de) half en(de) m(ijn) hee(r) sal eene(n)/ lese(r) moete(n) stelle(n) en(de) sijn helicht gelesen sijnde sal de/ wynnersse die te loeven(e) moete(n) leve(re)n It(em) de wy(n)nersse/ sal alle jae(re) leve(re)n vi ponden bote(re)n en(de) vi hantkeesen/ It(em) m(ijn) hee(r) sal der wynnerssen doen drie p(er)den dair/ af de twee gescat sijn op xx r(ins)g(ulden) en(de) dande(r)/ op v r(ins)g(ulden) die zij een jair lang sal orboe(re)n ende/ ten ynde vanden jae(re) sal de wynnersse m(ijn) hee(r) drie/ peerden weder geven weert sijnde xxv r(ins)g(ulden) te xx/ st(uvers) tstuck En(de) alle dese vorweerden (et)c(etera) ende hier/ voe(r) sijn borghen als pr(in)cipale en(de) eer voir al jan/ en(de) pauwels van hallebeke gebrueders der voirs(creven)/ wynnerssen jan vander lanen wouters sone ende/ andries de mu(n)te(re) et p(ri)ma cor(am) berghe borch febr(uarii) viii