It(em) jonch(e)r arnt van elde(re)n hee(re) van monchiau (et)c(etera) sone/ hee(re)n wouters wijlen van elde(re)n ridders ter eenre zijden/ ende wouter vranx ter ande(re) sijn in p(rese)ntien van/ scepen(en) van loeven(e) met malcande(re)n aengegaen en(de)/ overcomen der pointen vorweerden ende conditien/ hier nae verclairt Inden yersten dat de voirs(creven)/ wouter vranx bediene(n) sal wel en(de) getrouwelijck/ des voirs(creven) jonch(e)r arnts meyerien tot zoerbeempde/ kersbeke ende dair omtrint ende dat hij voirtane/ inneheffen sal alle alsulken rinten chijsen en(de) accidentie(n)/ als den voirs(creven) jonch(e)r arnde aldair verschene(n) sijn en(de)/ alnoch verschijne(n) sullen moegen Dies sal de voirs(creven)/ wouter altijt ten bevele van mijne(n) jonch(e)r voirscr(even)/ ende ter plecken dairt mijne(n) voirs(creven) jonch(e)r gelieven/ sal comen op m(ijnen) jonche(re)n cost goede wettige/ rekeni(n)ge ende bewijs doen van sijne(n) voirgenoemde(n)/ regimente ende bewinde Ende voir desen dienst/ ende bewint sal de voirg(enoemde) wout(er) jairlijcx hebben/ ende gebruycken tot sijnen proffijte doverste huys/ te soerbeempde met sijnen toebehoirten behalven/ de wate(re)n ende noch eene(n) core(n)solde(r) bove(n) de sale/ It(em) de voirg(enoemde) wouter sal noch hebben half die/ duyven en(de) half doeft behalven dat hij de helicht/ van sijnder helicht sal ewech leggen tot behoef van/ m(ijn) jonch(e)r voirg(enoemt) oft sijnder huysvrouwe(n) It(em) insgelijcx/ oft m(ijn) voirs(creven) jonch(e)r oft sijn huysvrouwe tot zoerbeempde/ quamen liggen soe sulle(n) sij desgelijcx oic aen de/ voirs(creven) duyven moegen genieten It(em) men sal den/ voirs(creven) woute(re)n noch bewijsen van m(ijnen) jonche(re)n weg(en)/ op alle de goeden m(ijn) voirs(creven) vrouwen toebehoiren(de)/ ende dairt haer best gelieve(n) sal berringe voir den/ voirs(creven) woute(re)n ende sijn huysgesynne It(em) de/ voirs(creven) woute(r) sal sculd(ich) sijn te doene ende te/ bewa(r)en gelijc een goet meye(r) en(de) rintmeest(er) sculd(ich)
//
es te doene alle die reparatie goets tijts van beyde/ den wynhoven ende paenhuyse ende oic alle de/ reparatie vand(en) bosschen toebehoiren(de) mijne(n) voirs(creven)/ jonch(e)r ende sijnder vrouwe moeder en(de) al op/ cost van m(ijn) jonch(e)r voirs(creven) It(em) de voirs(creven) wout(er)/ sal noch gehouden sijn te gane om m(ijn) jonche(re)n sake(n)/ en(de) ten bevele van m(ijn) jonch(e)r des sal hij hebben/ elcx daichs voir sijnen cost ende moeyte ii(½) st(uvers)/ It(em) sal wout(er) noch hebbe(n) voir sijne(n) dienst bove(n)/ des voirs(creven) es jairlijcx vijf rins guld(en) te xx/ st(uvers) tstuck dies sal hij dair tegen jairlijx sculd(ich)/ ende gehouden sijn te makene op sijne(n) cost/ eene(n) tabbart van m(ijnen) jonche(re)n levereye It(em) de/ voirs(creven) wouter heeft geloeft voir niemande borge/ te bliven(e) en(de) telken halven jae(r) rekeni(n)ge en(de)/ bewijs van betalingen te doene Ende alle dese/ condtitien vorweerde(n) ende geluften hebben de/ voirs(creven) p(ar)tien malcande(re)n geloeft tachtervolgen(e)/ en(de) te volbringen (et)c(etera) in for(ma) cor(am)/ septembr(is) iii