It(em) de voirs(creven) jan baers heeft gecleert dat hij als geleyt/ voir gebreck van eender croone(n) erflijck die hij als voe(r)/ hadde op den voirs(creven) wijlen janne vande(n) dale vercocht/ heeft op hoogen en(de) met kerckgeboden ende dat de/ bate bove(n) den co(m)mer dair uuyt gaen(de) inde cedulle vand(en)/ vercoope genarreert te weten(e) de weerde van/ drie r(yns)g(ulden) en(de) xv st(uvers) erflijck uuyte(n) neghen huysen/ inde vlemi(n)cstrate gaen(de) ende opde weerde van/ drie gouden rijders te xxvii st(uvers) tstuck en(de) iii pl(a)c(ken) voir/ den st(uver) lijfpen(sien) ten live loenijs van udekem alleene/ dair voe(r) de helicht vand(en) voirscreven ix huysen en(de) drie/ peeters erflijck den voirs(creven) loenijse tonderpande gestelt/ sijn niet meer gegouden en hebbe(n) dan xxii r(yns)g(ulden)/ eens en(de) ii ghelte(n) wijns die den vercoope(r) te bate(n)/ come(n) vand(en) slage viii st(uvers) en(de) van seven hoogen(en)/ dair op geworpe(n) elc hooge(n) doen(de) x st(uvers) half den/ coope(re) en(de) half den vercoope(re) en(de) een ghelte wijns/ van iiii st(uvers) voir den vercoope(re) alleene v(½) voir des/ vercoop(er)s deel vand(en) selve(n) hoogen(en) ende wijne ts(ame)[n]/ xxxv st(uvers) Alsoe loopt al tsame(n) des vand(en) vercoope/ der voirs(creven) goeden come(n) es ten proffijte vande(n) voirs(creven)/ ja(n)ne baers xxiiii r(yns) g(ulden) drie stuvers dairtegen den/ voirs(creven) ja(n)ne baers come(n) vand(en) hootpe(n)ni(n)g(en) der voirs(creven)/ croone(n) erflijck xxi r(yns)g(ulden) xii st(uvers) It(em) van verloope/ der selver ...? croone(n) van twee ja(r)en xlviii st(uvers) It(em) voir/ de coste(n) vanden beleyde xxvi st(uvers) i bl(an)c met vorste(re)/ en(de) ons(er) vrouwe(n)ghelde vand(en) brieve vand(er) croone(n)/ te doen vo(n)nissen It(em) ja(n)ne zedele(re) vorste(re) betaelt voir/ sijn recht om de conde te doene drie p(er)soene(n) te/ weten(e) huyge(n) en(de) sijnder huysvr(ouwen) willem(me) va(n) hove/ ende sijnder huysvr(ouwen) en(de) den mo(m)boirs vande(n) kinde(re)n/ jans wijlen vand(en) dale drie st(uvers) It(em) ja(n)ne van/ udekem voirsprake ten dage als willems huysvr(ouw)[e]/ comp(ar)eerde betaelt ii st(uvers) vander aenspraken te doen(e)/ It(em) ten dage als hij de goede in gescrifte overgaf/ hem betaelt ii st(uvers) It(em) ten dage als tvo(n)nis ghinc hem/ bet(aelt) ii st(uvers) It(em) vande(n) vo(n)nisse te teeken(en) iiii st(uvers) It(em)/ / betaelt gheerde van dyest voir sijn recht vand(en) slage/ xx st(uvers) It(em) vand(er) vercoop cedulle(n) te maken(e) al tsame(n) betaelt/ xix st(uvers) dair af jan baers betaelde de v st(uvers) en(de) huyge/ de xiiii st(uvers) It(em) voir den cost die vertheert was opde/ twee sitdagen betaelt xxviii st(uvers) die huyge betaelt/ heeft It(em) h(ier)enbove(n) moet de voirs(creven) huyge noch cuelen/ willem(me) van lele van vi hoogen(en) v(idelicet) xxx st(uvers) en(de) g(er)de/ van diest voir een hoogen v st(uvers) It(em) van des(er) guedi(n)g(e)/ te doen(e) xxviii st(uvers) loopt al tsamen xxxii r(yns)g(ulden) ix st(uvers)/ een bl(an)c ende tgeheel ontfang qua(m) op xxiiii r(yns)guld(en)/ iii st(uvers) Aldus loopt meer dan cost d(aer) op gegaen dan/ de goede nae inhoudt vand(er) cedulle(n) vercocht sijn acht/ rynsguld(en) vi st(uvers) i bl(an)c welke pe(n)ni(n)g(en) de voirs(creven) huyge/ heeft verleet in recompense van tghene des de goede/ myn ghelden van voirco(m)me(re) dair uuytgaen(de) dan drie/ r(yns)g(ulden) xv st(uvers) dair op die inder cedulle(n) vand(en) coope/ getaxeert sijn Ende es voirt vorweerde dat de voirs(creven)/ huyge ende sijne huysvrouwe den voirs(creven) janne baers/ van des(er) gueding(e) ende rekeni(n)gen tegen willem(me)/ van hove en(de) sijnder huysvr(ouw)[en] en(de) eene(n)yegelijken anders/ innestaen ende warant sulle(n) sijn ende hem dair af/ lossen en(de) ontheffen alsoe sij dat oic gelooft hebbe(n) Des/ sal ter ande(r) zijden de voirs(creven) jan baers hen van brieve(n)/ beleyde ende alle(n) sijne(n) actien ende rechte alle behulp/ en(de) assisten(cie) doen hem moegelijck sijnde soe verre hij/ e(n)nich bescheet oft recht d(aer)af onder heeft cor(am) eisdem