SAL7783, Act: R°241.2-V°241.1 (481 of 713)
Search Act
previous | next
Act R°241.2-V°241.1  
Act
Date: 1499-02-21

Transcription

2020-03-21 by Willy Stevens
Alsoe als ten vervolge des voirs(creven) jans van udekem/
geleyt ond(er) den ande(re)n totte(n) goeden daneels frix/
soe wair die gelegen sijn met brieve(n) van des(er) stad/
gescreve(n) es geweest aende(n) meye(r) van graven oft/
zijne(n) stadhouder te bossuyt ende ernstelijc versocht/
alle desselfs daneels goede(n) te leve(re)n den voirs(creven)/
geleydden oft den bringer ons(er) br(iev)[en] in zijne(n) name
//
Ende den selve(n) daneele dach van rechte te bescheyde(n)/
welke(n) dach mits verstrijke van genecht(en) op heden/
diende alh(ier) voir meye(r) ende scep(enen) ald(air) hij noch/
niema(n)t van zijne(n) weg(en) en comp(ar)eerde den voirs(creven)/
geleydden compare(re)nde ende trecht voirt versueken(de)/
soe hebbe(n) scep(enen) van loeven(e) ter maniss(en) smeyers/
gewesen met vo(n)nisse nae dien hen gebleke(n) was/
bij cleerniss(en) jans van hove bode van des(er) stad de/
leveri(n)ge van des(er) bij den offic(ie)r voirs(creven) gedaen te/
sijne en(de) p(ar)tie(n) dachbesch(eydinge) nae inhout sbriefs datme(n)/
den geleydden vanden geleverde(n) goede(n) houde(n) sal/
inde macht van zijnen brieve(n) soe verre alst noch/
voir scepen(en) come(n) is in scampno Cor(am) eisd(em)
ContributorsJos Jonckheer
Moderated byJos Jonckheer
Last update: 2014-08-26 by Jos Jonckheer