It(em) goirt de bubbele(re) sone mertens molde(r) in p(rese)ntia heeft/ genome(n) ende bekint genomen te hebben(e) van magrieten/ wasscharts wed(uw)[e] willems wijlen van dyeven en(de) willem(me)/ de witte hue(re)n behouden sone den core(n)moelen(en) metter/ slachmoelen(en) en(de) sluysen te wijchmale gelegen mette(n) bog(ar)de/ en(de) alle(n) toebehoirte(n) Te houden te hebben ende in hueri(n)gen/ te besitten van bamisse naistcomen(de) eene(n) t(er)mijn van drie/ jae(re)n lang due(re)nde deen nae dander sonder middel (ver)volgen(de)/ Elcx jairs d(air)enbynne(n) om ende voe(r) sessen(de)tsestich mudde(n)/ corens pacht ende mate van loeven(e) pag(abilis) cu(m) va(n)no/ vie(re)ntwintich ryns gulden(en) te xx st(uvers) tstuck eene ame/ raepsmouts ende een duisent raepbroots Te weten(e)/ alle vie(re)ndeele jairs tvierdel dair af te betalen(e) ende/ te loeven(e) ten huyse der voirs(creven) magriete(n) ende willems/ te leve(re)n quol(ibe)t ass(ecutu)[m] It(em) es vorweerde dat de voirs(creven)/ goirt de voirs(creven) moelen(en) ende sluysen houden sal vande(n)/ slete van allen gaen(de) ende rue(re)nde wercke Ende wes/ die beter gescadt wordden tsijne(n) afscheyden(e) dan die/ sijn sullen tsijne(n) aencomen(e) dat sal goirde te baten/ comen ende wes die arge(r) gescat wordde(n) dat sal/ goirt moete(n) opleggen van elken duyme steens acht/ ende veertich stuvers It(em) es vorweerde datme(n) te bamisse/ naistcomen(de) de voirs(creven) moele(n) sal doen scatten met/ gesworen(en) moele(n)slegers ende sullen hen p(ar)tien nae/ des(er) pechtingen vuegen Met vorweerden(en) eest dat den/ voir molde(r) e(n)nige pe(n)ning(en) comen van dat den moelen/ nu beter gescat sal wordden dan hij dien aenveerde/ dat goirt dair toe doen sal twintich ryns gulden/ Ende die sullen hem cortten deen helicht ten yersten/ vie(re)ndeel jairs ende dander helicht bynne(n) eene(n) vie(re)ndeele/ jairs dair nae It(em) de voirs(creven) goirt sal jairl(icx) in afslage/ van zijne(n) pachte sculd(ich) sijn te betalen(e) den godshuyse/ van bethlem xxii m(ud)[d(en)] rogs ende xviii r(yns) g(ulden) en(de) den/ godshuyse van vrouwe(n)p(er)cke zesse m(ud)[d(en)] rogs soe in tijts/ dat de goede niet bescadicht en wordde(n) dair bij tsijnen/ laste It(em) sal de voirs(creven) goirt jairlijcx betale(n) de voirs(creven)/ raepcoeken te kersmisse half der wed(uw)[en] ende half/ / willem(me) voirs(creven) quol(ibe)t ass(ecutu)[m] It(em) sal noch de voirs(creven) goirt/ hebben in hueringen den voirs(creven) termijn due(re)nde een/ huys metten boogarde metter vesscherien den voirs(creven)/ moelen(en) toebehoiren(de) gelegen tusschen de sluyse ende/ den core(n)moelen van wijchmale Elcx jairs om ende/ voe(r) sesse ryns guld(en) te xx st(uvers) tstuck ten voirs(creven) t(er)mijne/ te betalen(e) Ende alle dese vorweerden (et)c(etera) hier voe(r)/ sijn borgen des voirs(creven) goirts ind(ivisim) merten de bubbele(re)/ de jonge sijn brueder en(de) (christ)iaen de longhe sijn/ swager Et p(ri)m(us) cor(am) buetsele boechout eod(em)