It(em) de voirs(creven) matheeus de sone in p(rese)ntia heeft geco(n)senteert/ gewillecuert ende overgegeve(n) katlijne(n) van casterle/ tegewoirdige huysvrouwe des voirs(creven) willems sijns
//
vaders met consente desselfs sijns vaders om hue(r) te/ besorgen(e) van hue(re)r duwarien die sij behoude(n) soude/ nae de doot ende aflivich(eit) des voirs(creven) willems/ inden gevalle sij hem overleefde dat der selver/ katlijnen ombelet vande(n) voirs(creven) matheeuse sijnder/ erve(n) ende naecomelinge(n) volgen sulle(n) voir deselve/ hue(re) duwarie(n) de goede ende rinte(n) naebescreven/ Te weten(e) yerst een huys ende hof met sijnd(er) toebehoirt(en)/ geleg(en) te zichen(en) dair deselve willem nu inne/ woent alsoe hij dat vercregen heeft tegen arnde/ van velmen nae inhoudt scepen(en) brieve(n) van zichen(en)/ dair op gemaect It(em) drie lichte gulden(en) oft dair/ omtrent tsjaers op een huys dair bij geleg(en) dwelc/ de voirs(creven) willem terfpachte heeft uutgeg(even) henricke/ van thienen sone wijlen goirts nae inhoudt der brieven/ dair af sijnde It(em) eene(n) beempt achter marien torre(n) in/ diestserschebroeck gelegen alsoe willem dien vercregen/ heeft tegen gielijse van boechout nae inhoudt scepen(en)/ brieven van loeven(en) It(em) eene(n) beempt geleg(en) te holede/ vercregen tegen willem(me) van kermpt nae inhoudt scepen(en)/ brieve(n) van boensbeke dair op gemaict It(em) noch eene(n)/ beempt gelegen te miskem vercregen teg(en) beerne(re)/ van gheelberge nae inhoudt scepen(en) brieve(n) van miskem/ It(em) een boender lants gelegen int eygen van kersbeke/ aen de biest vercregen tegen jacoppe vranx nae inhoudt/ scepen(en) brieve(n) van loeven(en) It(em) noch (½) boend(er) lants inde/ selve couthe(r) gecregen tegen ja(n)ne van thienen nae/ inhoudt scepen(en) brieve(n) van loeven(en) Op allet recht en(de)/ actie dwelc de voirs(creven) matheeus oft sijn naecomeling(en)/ souden moegen eysschen oft pretende(re)n te hebben inde/ selve goede tot behoef der voirs(creven) katlijne(n) hue(r) leefdage/ lang due(re)nde ende niet lange(r) behoirlijck renu(n)cie(re)nde/ ende verthijen(de) om alle deselve goede hue(re) voirs(creven) leefdage/ lang due(re)nde voir hue(r) voirs(creven) tocht ende duwarie te houden(e)/ te besitten(e) ende te gebruycken(e) behalve(n) den selven/ matheeuse en(de) sijne(n) erve(n) ende naecomeling(en) hue(re)n rechte
//
p(ro)p(ri)eteyt ende actien inde selve goede nae de doot der/ selver katlijne(n) ende niet eer Geloven(de) de voirs(creven) matheeus/ der selver katlijnen hier tegen ne(m)mermeer stoot hynder oft/ impediment oft aensprake te doene bij hem selven/ sijne(n) erve(n) ende naecomeling(en) oft nyeman(ne) anders van/ zijne(n) oft hue(re)n wegen Geloven(de) voirt der selver katlijne(n)/ tallen tijden als zij des versuect tot huer(er) manissen ende/ coste voirde(r) guedinge ende vestich(eit) ende altijt genoech/ te doene Et t(antu)m p(ro)ut behalven willem(me) den vader/ zijnen meerde(re)n ende mynde(re)n in desen talle(n) tijden alst/ hem sal gelieve(n) cor(am) eisd(em)