SAL7783, Akte: R°179.1-R°182.4 (382 van 711)
Akte R°179.1-R°182.4
Act
Datum: 1498--
Taal: Nederlands
Transcriptie
2017-12-27 door Willy StevensOm te antwoirden(e) op sulke(n) overg...? van/
ontfange en(de) uuytgeven(e) als jan lauwers/
geheete(n) de molde(r) met gescrifte overgegeve(n)/
heeft acht(er)volgen(de) seke(re)n vo(n)niss(en) en(de) t(er)mi(n)atien/
d(air) op geslagen Ende om voirts v eerbe(re) wijse/
voirsienige hee(re)n borg(er)meeste(re)n scepen(en) ende/
raide der stad van loeven(en) te bewijsen(e) ende te/
kynne(n) te geven(e) donredelijch(eyt) in dien ende/
tverswijch dwelc deselve jan lauwers d(air)/
inne verswijcht en(de) verduystert soe men dat/
ter waerheyt bevi(n)den sal soe seet/
goeyart goutsmets als mo(m)boir lucien goutsmeets/
pauwels dochter van weg(en) der selver lucien/
tghene des hier nae volcht/
Inden yersten opde overgegeve(n) rekeni(n)ge bij/
ja(n)ne lauwers voirs(creven) overgegeve(n) [seet goyart] dat hij met/
vo(n)niss(en) ende t(er)mi(n)atien van v hee(re)n dair toe gewesen/
es nairde(r) ende voirde(r) verclae(re)n ende bewijssenisse/
vand(en) selve(n) te doene des hem de voirs(creven) goyart/
tot v hee(re)n gedraicht dwelck de selve jan lauwers/
niet gedaen en heeft mair gedraicht hem goyart/
tot v hee(re)n en(de) der ov(er)gegeven(en) rekeni(n)g(en) dat/
dat de selve rekeni(n)ge es die hij tande(re)n [tijden] ov(er)geg(even)/
hadde voir wet van mierde die alh(ier) met seke(re)n/
getuygenisse overbracht es geweest wair o(m)me/
hij sculd(ich) sal sijn nairde(r) verclae(re)n en(de) rekeni(n)ge/
te doene en(de) den voirs(creven) vo(n)niss(en) ende t(er)mi(n)atie(n)/
te voldoene/
Seecht voirts dat eenyegelijck nae dan gemeyne(n)/
lantrechte die in e(n)nich sterfhuys van van e(n)nig(en) jonge(n)/
wesen oft ombejairden kinde(re)n weg(en) e(n)nige have/
vliegen(de) erve oft ande(re) goede(n) aenwert dat/
sculd(ich) es ende behoirt te doene met inne(n)tarijse/
dwelc de voirs(creven) jan lauwers niet en laet blijken/
gedaen te hebben(e) Ende sal d(air) o(m)me deselve jan
//
lauwers sculdich sijn te bewijsene wat goede(n) hij inde(n)/ sterfhuyse van pauwelse goutsmeets voirs(creven) bevonde(n)/ heeft wair diebew bevare(n) sijn hoe vele die/
met goeder specificatie(n) gegoude(n) hebbe(n) ende/
wair de pe(n)i(n)g(en) d(air) af gecome(n) bevare(n) sijn/
Te voirde(r) want goyart voirs(creven) hoept en(de) meynt/
wel en(de) merckelijck cond gedaen [gethoent] en(de) gedoceert te/
hebben(e) v hee(re)n met seke(re)n getuygenisse bij scouth(eyt)/
en(de) scepen(en) van mierde beslote(n) v hee(re)n overgesonde(n)/
dat de voirs(creven) jan lauwers alle des voirs(creven) wijlen/
pauwels goutsmeets goede(n) ae(n)veert heeft dwelc/
oft v hee(re)n dochte niet genoech bewesen te sijne/
hij voirde(r) bewijsen wilt den rechte genoech/
sijnde ende dat oic de voirs(creven) wijle(n) pauwel was een/
ty(m)merman die redelijc nae sijne(n) staet van huysrade have(n) en(de)/
allrehande have(n) en(de) instrume(n)ten tot zijne(n) ambachte behoiren(de)/
versien was/
It(em) ende om v hee(re)n nairde(r) te informe(re)n van e(n)nig(en)/
p(er)cheele(n) van dien seecht jan lauwers [goyart voirs(creven)] dat jan/
lauwers voirs(creven) verhuert heeft huys ende hof metter/
erve(n) dair pauwels voirs(creven) uuyt gestorve(n) was jairlijcx/
om en(de) voe(r) seven peet(er)s dair af hij jan es/
sculdich in rekeni(n)g(en) te bringen(e) de hue(r) [ofte pacht] van dien/
van acht jae(re)n en(de) noch twee ryns guld(en) ende/
eene(n) swaren leeuw die hij gehave(n) soude hebben/
vand(en) laet die d(air) af toech en(de) die d(air) op quam/
vande(n) welke(n) de voirs(creven) jan lauwers mair ter rekeni(n)g(en)/
en bringt dan [de] drie jae(re)n in lichte(n) ghelde en(de) noch/dande(re) drie jae(re)n bewijst hij in lichte(n) ghelde/
op diericke sijne(n) outsten brueder die aflivich/
wordden es Willen(de) hem selve(n) alsoe dair mede/
ontwercken dies hem deselve goyart gedraicht/
tott(er) selver rekeni(n)g(en) Ende men sal bevi(n)den dat/
al swair ghelt was oft loopen(de) mu(n)te dan/
alleene deen leste jair/
It(em) noch seet deselve goyart dat jan lauwers/
vercocht heeft seke(r) bert en(de) ande(re) getouwe uuyte(n)
//
voirs(creven) sterfhuyse gecome(n) en(de) dat eene(n) geheete(n)/ ghijsbrecht scosters om en(de) voe(r) thien oft elf peet(er)s/ soe tvoirs(creven) getuygenisse uuytwijst dairs hem/ goyart toe gedraicht en(de) oft dies te nauwe wae(re)/ wel bewijsen wilt den rechte genoech sijnde/ vande(n) welken oic de selve jan lauwers gheen/ rekeni(n)ge en maict/ It(em) noch seet goyart voirs(creven) dat inde(n) voirs(creven) sterfhuyse/ wae(re)n in eene kiste die jan lauwers ae(n)veerde/ omtrint tachtentich peet(er)s soe hij meynt metten/ voirs(creven) thoenisse bewesen te hebben(e) hopen(de) dat wel/ voirde(r) te bewijsene oft des niet genoech en wae(re)/ d(air) hij oic gheen(e) reken(inge) oft o(n)tfanc af en maict/ It(em) noch seet goyart dat jan lauwers vercocht/ heeft eene(n) geheete(n) jan vander voirt soe tvoirs(creven)/ getuygenisse uuywijst d(air)s hem goyart toe gedraicht/ een stuck erfs geheete(n) twillige(n)schot om en(de) voe(r)/ xxv peet(er)s oft x loope(n) erfrogg(en) tott(er) tijt toe/ deselve xxv peet(er)s gegeve(n) soude(n) wesen vande(n)/ welken oft des niet genoech en wae(re) hij wel/ voirde(re) bewijssenisse doen wilt den rechte genoech/ sijnde van welker so(m)men va(n) pe(n)ni(n)g(en) noch oic vand(er) erfrogge/ d(air) af gecome(n) de voirs(creven) jan lauwers gheen(e) mentie en maict in/ sijnre rekeni(n)g(en) mair salme(n) ter wairheyt bevi(n)den dat hij tsel[ve]/ erve naemaels ae(n)veert heeft en(de) eene() sijne(n) behoude(n) sone uutg...?/ It(em) seet noch de voirs(creven) goyart dat hij sculd(ich) is/ oic in rekeni(n)g(en) te bringen(e) oft bewijssenisse te/ doene vand(en) xl peet(er)s die der voirs(creven) lucien/ come(n) souden vand(er) versterffenisse van laureys bruers/ weg(en) die haer toegevuecht wae(re)n vand(er) twee/ deele(n) van seke(re)n erfgename(n) die d(air) inne deylden soe dat ...?/ tot welke(n) getuygenisse hem de voirs(creven) goyart oic/ gedraicht d(air) af hij oic gheen r(e)keni(n)ge en doet
//
It(em) noch dat deselve jan lauwers vercocht soude/ hebbe(n) eene(n) geheete(n) ja(n)ne ooms v oft vi voede(re)n houts/ d(air) af hij mair in r(e)keni(n)g(en) en bringt o(n)f(angen) te hebben(e)/ seven stuvers eens sal d(air) o(m)me sculd(ich) sijn tsurpl(us)/ van dien in r(e)keni(n)g(en) te bringen(e) Ende dat dit wair/ es dat hij tvoirs(creven) hout vercocht heeft gedraicht hem/ de voirs(creven) goyart [dat hij dat mette(n)]dat tott(er) voirs(creven) getuygenisse hoept/
wel gethoent te hebben(e) Ende oft des niet genoech/
en wae(re) wilt hij dat met oic alle den voirgaen(de)/
pointe(n) merkelijck bewijsen den rechte genoech/
sijnde/
It(em) heeft noch vercocht laureyse sijne(n) brueder twee/
cope(re)n potten om eene so(m)me van pe(n)ni(n)g(en)/
de welke hij oic niet ter rekeni(n)g(en) en bringt/
dwelc ofts behoeft hij p(rese)nteert te thoenen(e) den/
rechte genoech sijnde/
It(em) noch heeft hij vercocht een spijchamer en(de) ander/
getouwe theeuse scosters te neder mierde om/
en(de) voe(r) seven stuv(er)s soe hij dat meynt genoech/
bethoont te hebben(e) de welke hij insgelijcx/
ter rekeni(n)g(en) niet en brinct/
Beg(er)t oic deselve goyart dat jan lauwers/
voirs(creven) ov(er)leveri(n)ge doen en(de) claernisse vand(en)/
erfbrieve(n) die hij ae(n)werrt heeft soe hij dat/
mette(n) voirs(creven) getuygenisse genoech schijnt/
bekynnen(de) int ynde vande(n) selve(n) getuygenisse/
It(em) noch seet deselve goyart dat de voirs(creven) lucie(n)/
hem te weten(e) ja(n)ne lauwers opgege gegeve(n)/
heeft op te setten(e) een hekele en(de) dweele(n) en(de) ande(re)/
p(er)cheele(n) dies hij haer ontvalt die sij van hem/
beg(er)t wed(er)om te hebben(e) Ende dat sij hem die/
alsoe te beware(n) geg(even) heeft d(air) voe(r) wilt sij genoech/
doen oft hem dat geve(n) te o(n)tsculdige(n) bij sijne(n) eede
//
Seet voirts dat pauwels wijlen goutsmeets vader/ der voirs(creven) lucie(n) in zijne(n) leven(e) heffen(de) was op seke(re)/ panden bate(n) slepp(er)s toebehoiren(de) vijfs loope(n) erfrogg(en)/
d(air) af nochtan de voirs(creven) jan lauwers gheen(e) r(e)keni(n)ge/
en doet wed(er) hij die gehave(n) heeft oft vercocht/
en(de) wair de pe(n)ni(n)g(en) d(air) af gecome(n) bevare(n) wesen zijn/
Ende sal d(air)o(m)me d(air)af sculd(ich) sijn r(e)keni(n)ge te doene/
Concludeert d(air)om de voirs(creven) goyart inde(n) name als voe(r)/
dat gemerct alle den reden(en) voirs(creven) de voirs(creven) jan/
lauwers sculdich sal sijn nairde(re) rekeni(n)ge cleernisse/
en(de) specificatie te doene van alle(n) pointe(n) voirs(creven)/
Ende dat hij en(de) oic van alle den voirde(re)n regime(n)te ende bewinde/
dwelc hij vand(er) voirs(creven) kinde(re)n goede(n) gehadt heeft/
die h(ier) voe(r) niet gespecificeert en sijn mits dat/
de kinde(ren) die ten tijde vand(er) aflivich(eyt) huers vaders/
zee(r) jonck wae(re)n dat ten nauste(n) niet en wete(n)/
te verclee(re)n ten minsten bij eede hem selve(n) sculd(ich)/
sal sijn [nairde(r)] te verclae(re)n en(de) hem te expurge(re)n dat hij/
gheen(e) goede meer vand(en) selve(n) kinde(re)n weg(en) gehadt/
gehave(n) oft gehantplicht en heeft ende dat hij/
voirts vand(en) pe(n)ni(n)g(en) die hij vand(er) kinde(re)n weg(en)/
ondergehoude(n) ende gehadt heeft vande(n) tijde dat/
wijlen de vad(er) sterf dwelc wel leden xv jae(re)n/
en(de) niet aengeleet en heeft als een goet mo(m)boir/
sculd(ich) was te doen(e) sculdich sal sijn d(er) voirs(creven) lucie(n)/
te doene alsulken redelijken recompense als/
v hee(re)n dat goetduncke(n) sal/
Ende tot des(en) versuect de voirs(creven) goyart inde(n) name als voe(r)/
dat hij van stonden aen ov(er)leveri(n)ge en(de) restitutie doe van/
alle(n) alsulken goede(n) en(de) huysrade als hij vand(er) voirs(creven) lucie(n)/
weg(en) onderheeft wa(n)t hij dat tande(re)n tijden gep(rese)nteert/
heeft te doen(e) soe men dat bevi(n)den sal t(er) waerheyt uuyte(n)/
voirs(creven) getuygenisse Ende seet deselve goyart dat jan lauwers/
tande(re)n tijden voir scouth(eyt) en(de) scepen(en) van mierde bekint heeft/
en(de) gelede(n) dat hij noch wel bij hem hadde vand(en) voirs(creven) huysrade/
tot lxxx oft xc stucken soe datt(er) eene(n) goede(n) wage(n) genoech/
te vue(re)n hadde des hem deselve goyart tot scouth(eyt) en(de) scepen(en)/
van mierde gedraicht
//
It(em) ende om nairde(r) te antwoirden(e) op duytgeve(n) dwelc/ jan lauwers in sijnre rekeni(n)g(en) stelt seecht goyart inde(n)/ name als voe(r) om tselve te wederleggen(e) des h(ier) nae volcht/ Ende yerst op dierste point dat jan lauwers ne(m)mermeer/ en sal conne(n) bewijsen oft goetgedoen dat hij voir/ tselve begrave(n) en(de) reynigen meer betaelt heeft/ dan eene(n) peet(er) en(de) eene(n) grauwe(n) tabbart dien pauwel/ des werckdaichs plach te dragen(e) qua(r)e (et)c(etera)/ It(em) opt ii ende iii[(d)e] pointe(n) seet goyart dat hij beg(er)t dat/ jangoyart [lauwers] d(air) af bewijssenisse doen [sal] wat en(de) hoe vele hij/
d(air)af betaelt heeft Wa(n)t oft des niet betaelt en wae(re)/
soe es hij selve de ghene die dat soude willen betale(n)/
om de ziele van pauwels sijne(n) brued(er) te lossen(e)/
It(em) opt iiii[(d)e] vi[(d)e] x[(d)e] en(de) xii[(d)e] pointe(n) seet goyart/
dat hij die alsoe laet passe(re)n/
It(em) opt v[(d)e] point seet goyart dat hij hem van dien/
niet genoech en [can] verwonde(re)n Wa(n)t soe hij int ontfanc/
van sijnre rekeni(n)g(en) seet soe bekint hij dat hij dioncste/
kint ae(n)nam te houden(e) [vijf jae(re)n lanck] voir eene falie en(de) eene(n) swerte(n)/
tabbart dwelc hij nochtan mair en hielt omtr(ent) vie(r) jae(re)n/
en(de) d(air) nae ginct woene(n) bij sijne(n) brueder in wiens stadt/
hij ae(n)veerde dmiddelste kint dwelc niet bove(n) (½) jair/
bij hem en bleef mair o(n)tliep hem en(de) es alsoe achter bleve(n)/
Ende al wilde hij segge(ne) dat hij doutste kint te weten(e)/
d(er) voirs(creven) lucie(n) gehoude(n) soude hebbe(n) men sal t(er) waerheyt/
bevi(n)den dat hij van hair niet en behoirt yet te eysschen(e)/
mair wae(re) haer selve sculdich te loonen(e) hae(re)n arbeyt wa(n)t/
soet genoech blijct int voirs(creven) thoenisse int beginsel/
en(de) oic elde(re) was sij een dienstbode geweest en(de) hadde/
bij ande(re) liede(n) te vore(n) gedient d(air) sij tot hae(re)n coste/
gewonne(n) hadde tsjaers oft thien oft xii st(uvers) en(de) ande(re)n/
halloon Oic salme(n) t(er) wairheyt bevi(n)den dat zij out was/
als sij bij hem qua(m) woene(n) wel xv jair en(de) haer vader/
was gestorve(n) over vie(r) jae(re)n te voe(re) quare (et)c(etera)
//
It(em) opt vii[(d)e] point vande(n) faulte(n) seet goyart dat hij/ hem dat ontkint het en sij dat hij dair goet bescheet/ af thoone wair af en(de) aen wien hij dat betaelt heeft/ It(em) opt viii[(st)e] ix[(d)e] en(de) xiii[(d)e] pointe(n) seet deselve goyart/ dat hij o(n)tkint en(de) en geloeft niet dat jan lauwers peet(er)ken/ oft den kinde(re)n pauwels voirs(creven) yet geg(even) oft geleent/ heeft het en sij dat hij dair af beeter bescheyt late blijken/ den rechte genoech sijnde wa(n)t men en mach sijne(n)/ woerde(n) niet geloeve(n) ende al wilde hij hem yet/ eyssche(n) men doet goet recht hij volge dat dair/ en(de) alsoe dat behoirt qua(r)e (et)c(etera)/ It(em) ende opt xi[(d)e] point seet goirt voirs(creven) dat hij/ niet en weet dat hij e(n)nich hootvo(n)nis oft p(ro)ces vande(n)/ kinde(re)n weg(en) gehadt oft gevuert heeft d(air) voe(r) hij/ die iii(½) peet(er)s betaelt soude hebbe(n) en(de) behoirt d(air) om/ d(air) af nairde(r) bescheyt bij te bringe(n) wair af en(de) aen wien/ oic ende al wairt alsoe soe en wae(re) hij niet sculdich/ geweest e(n)nich p(ro)ces ae(n)tenemen(e) oft taenveerden(e)/ dan bij raide en(de) advijse vande(n) ande(re)n naiste(n) vriende(n)/ d(er) voirs(creven) kinde(re)n dwelc hij noyt gedaen en heeft/ wair o(m)me en(de) al wairt soe dat hij de voirs(creven) pe(n)ni(n)g(en)/ uuytgereyct en(de) betaelt hadde hij dat niet en behoirt/ den kinde(re)n teysschen(e) wa(n)t hij dat uuyt sijns selfs/ auctoriteyt gedaen heeft/ Juli xiii a(n)n[o] xcviii es ja(n)ne lauwers h(ier) af copie geco(n)senteert/ Ende hij heeft dach genome(n) van heden over xiiii nachten/ om h(ier) op te replice(re)n in (con)s(ilio) op(idi) die p(re)d(i)c(t)o
//
lauwers sculdich sijn te bewijsene wat goede(n) hij inde(n)/ sterfhuyse van pauwelse goutsmeets voirs(creven) bevonde(n)/ heeft wair die
//
voirs(creven) sterfhuyse gecome(n) en(de) dat eene(n) geheete(n)/ ghijsbrecht scosters om en(de) voe(r) thien oft elf peet(er)s/ soe tvoirs(creven) getuygenisse uuytwijst dairs hem/ goyart toe gedraicht en(de) oft dies te nauwe wae(re)/ wel bewijsen wilt den rechte genoech sijnde/ vande(n) welken oic de selve jan lauwers gheen/ rekeni(n)ge en maict/ It(em) noch seet goyart voirs(creven) dat inde(n) voirs(creven) sterfhuyse/ wae(re)n in eene kiste die jan lauwers ae(n)veerde/ omtrint tachtentich peet(er)s soe hij meynt metten/ voirs(creven) thoenisse bewesen te hebben(e) hopen(de) dat wel/ voirde(r) te bewijsene oft des niet genoech en wae(re)/ d(air) hij oic gheen(e) reken(inge) oft o(n)tfanc af en maict/ It(em) noch seet goyart dat jan lauwers vercocht/ heeft eene(n) geheete(n) jan vander voirt soe tvoirs(creven)/ getuygenisse uuywijst d(air)s hem goyart toe gedraicht/ een stuck erfs geheete(n) twillige(n)schot om en(de) voe(r)/ xxv peet(er)s oft x loope(n) erfrogg(en) tott(er) tijt toe/ deselve xxv peet(er)s gegeve(n) soude(n) wesen vande(n)/ welken oft des niet genoech en wae(re) hij wel/ voirde(re) bewijssenisse doen wilt den rechte genoech/ sijnde van welker so(m)men va(n) pe(n)ni(n)g(en) noch oic vand(er) erfrogge/ d(air) af gecome(n) de voirs(creven) jan lauwers gheen(e) mentie en maict in/ sijnre rekeni(n)g(en) mair salme(n) ter wairheyt bevi(n)den dat hij tsel[ve]/ erve naemaels ae(n)veert heeft en(de) eene() sijne(n) behoude(n) sone uutg...?/ It(em) seet noch de voirs(creven) goyart dat hij sculd(ich) is/ oic in rekeni(n)g(en) te bringen(e) oft bewijssenisse te/ doene vand(en) xl peet(er)s die der voirs(creven) lucien/ come(n) souden vand(er) versterffenisse van laureys bruers/ weg(en) die haer toegevuecht wae(re)n vand(er) twee/ deele(n) van seke(re)n erfgename(n) die d(air) inne deylden soe dat ...?/ tot welke(n) getuygenisse hem de voirs(creven) goyart oic/ gedraicht d(air) af hij oic gheen r(e)keni(n)ge en doet
//
It(em) noch dat deselve jan lauwers vercocht soude/ hebbe(n) eene(n) geheete(n) ja(n)ne ooms v oft vi voede(re)n houts/ d(air) af hij mair in r(e)keni(n)g(en) en bringt o(n)f(angen) te hebben(e)/ seven stuvers eens sal d(air) o(m)me sculd(ich) sijn tsurpl(us)/ van dien in r(e)keni(n)g(en) te bringen(e) Ende dat dit wair/ es dat hij tvoirs(creven) hout vercocht heeft gedraicht hem/ de voirs(creven) goyart [dat hij dat mette(n)]
//
Seet voirts dat pauwels wijlen goutsmeets vader/ der voirs(creven) lucie(n) in zijne(n) leven(e) heffen(de) was op seke(re)/ panden bate(n) slepp(er)s toebehoiren(de) vijf
//
It(em) ende om nairde(r) te antwoirden(e) op duytgeve(n) dwelc/ jan lauwers in sijnre rekeni(n)g(en) stelt seecht goyart inde(n)/ name als voe(r) om tselve te wederleggen(e) des h(ier) nae volcht/ Ende yerst op dierste point dat jan lauwers ne(m)mermeer/ en sal conne(n) bewijsen oft goetgedoen dat hij voir/ tselve begrave(n) en(de) reynigen meer betaelt heeft/ dan eene(n) peet(er) en(de) eene(n) grauwe(n) tabbart dien pauwel/ des werckdaichs plach te dragen(e) qua(r)e (et)c(etera)/ It(em) opt ii ende iii[(d)e] pointe(n) seet goyart dat hij beg(er)t dat/ jan
//
It(em) opt vii[(d)e] point vande(n) faulte(n) seet goyart dat hij/ hem dat ontkint het en sij dat hij dair goet bescheet/ af thoone wair af en(de) aen wien hij dat betaelt heeft/ It(em) opt viii[(st)e] ix[(d)e] en(de) xiii[(d)e] pointe(n) seet deselve goyart/ dat hij o(n)tkint en(de) en geloeft niet dat jan lauwers peet(er)ken/ oft den kinde(re)n pauwels voirs(creven) yet geg(even) oft geleent/ heeft het en sij dat hij dair af beeter bescheyt late blijken/ den rechte genoech sijnde wa(n)t men en mach sijne(n)/ woerde(n) niet geloeve(n) ende al wilde hij hem yet/ eyssche(n) men doet goet recht hij volge dat dair/ en(de) alsoe dat behoirt qua(r)e (et)c(etera)/ It(em) ende opt xi[(d)e] point seet goirt voirs(creven) dat hij/ niet en weet dat hij e(n)nich hootvo(n)nis oft p(ro)ces vande(n)/ kinde(re)n weg(en) gehadt oft gevuert heeft d(air) voe(r) hij/ die iii(½) peet(er)s betaelt soude hebbe(n) en(de) behoirt d(air) om/ d(air) af nairde(r) bescheyt bij te bringe(n) wair af en(de) aen wien/ oic ende al wairt alsoe soe en wae(re) hij niet sculdich/ geweest e(n)nich p(ro)ces ae(n)tenemen(e) oft taenveerden(e)/ dan bij raide en(de) advijse vande(n) ande(re)n naiste(n) vriende(n)/ d(er) voirs(creven) kinde(re)n dwelc hij noyt gedaen en heeft/ wair o(m)me en(de) al wairt soe dat hij de voirs(creven) pe(n)ni(n)g(en)/ uuytgereyct en(de) betaelt hadde hij dat niet en behoirt/ den kinde(re)n teysschen(e) wa(n)t hij dat uuyt sijns selfs/ auctoriteyt gedaen heeft/ Juli xiii a(n)n[o] xcviii es ja(n)ne lauwers h(ier) af copie geco(n)senteert/ Ende hij heeft dach genome(n) van heden over xiiii nachten/ om h(ier) op te replice(re)n in (con)s(ilio) op(idi) die p(re)d(i)c(t)o
Nagekeken door: Jos Jonckheer
Moderator: Jos Jonckheer
Add. 1 [links van V°180.3]
Datum: 1498--
Taal: Nederlands
Transcriptie
2017-12-27 door Willy StevensHier [af] es inder uutsp(ra)ken niet/
v(er)maent
Nagekeken door: Jos Jonckheer
Moderator: Jos Jonckheer
Add. 2 [links en onder V°181.4]
, steeds dezelfde toevoeging in de margetot R°182 en naast deel 4 van V°181 een langere toevoeging
, steeds dezelfde toevoeging in de margetot R°182 en naast deel 4 van V°181 een langere toevoeging
Datum: 1498--
Taal: Nederlands
Transcriptie
2017-12-27 door Willy StevensH(ier) op en es inder uutsp(ra)ke(n)/
niet v(er)maent
Nagekeken door: Jos Jonckheer
Moderator: Jos Jonckheer
Add. 3 [links en onder V°181.5]
Datum: 1498--
Taal: Nederlands
Transcriptie
2017-12-27 door Willy StevensDit sal staen te jans/
eede behalve(n)/
Dit sal oic te jans tijde [eede]
Dit pass(eren) bij ov(er)gave va(n)/
p(ar)tie behalve(n) want hij/
int x[te] point de tkercke(n)/
recht rekent dat hij d(air) voe(r)/
sculdich sal zij(n) den kinde(re)n weder te doen(e) hebben een bedde dwelc
jan lauwers en(de) zij(n) brued(er) d(air) voe(r) ...? houde(n) als zij selven v(er)cleert hebben/
Dit sal passe(re)n op xv/
pet(er)s
Want p(ar)tie(n) h(ier) af ligge(n)/
in (contra)rie fayte(n) en(de) jan/
lauwers p(rese)nteert te/
thoenen(e) dat zij jonck/
wae(re)n doen zij bij he(m)/
quame(n) woine(n) Soe/
sal jan den tijt en(de)/
douderdom laet blijk(en)/
c(er)tificatie(n) dwelc/
de wed(er) p(ar)tie ov(er)geg(even)/
heeft en(de) dair heeft/
hij dach toe genome(n)/
op va(n) in goensdaige in iii weeken naestcomen(de) Act(um) sab(ba)[to] octobr(is) xx/
Op heden des vrijdaichs xvi nove(m)br(is) a(n)no xcviii want jan lauwers geallig(er)t heeft dat hij de cedulle/
va(n) c(er)tificacie(n) bij he(m) gebracht ongesegelt en(de) ongeteekent niet en heeft co(n)nen gec(ri)gen bezegelt en(de) dat gebreck/
va(n) dien es inde scepen(en) Soe es hem noch geg(even) dach op va(n) heden [in goensdage] in xiiii dage(n) naestcomen(de) om de c(er)tificacie/
te bringen(e) vand(en) ouderdom vand(en) kinde(re)n doen zij bij he(m) quame(n) woenen en(de) hoe lange en(de) oic c(er)tificacie va(n) zijne(n)/
debvoire dwelc hij gedae(n) [heeft] by(n)nen den iersten drie weken die he(m) geg(even) wae(re)n oct(obris) xx lestleden/
H(ier) af sal jan nairde(re)/
bescheet doen oft anders en saelt hem niet passe(re)n/
Dit sal staen te jans/
eede/
H(ier) af sal jan nairde(re)/
cleernisse te doen(e)/
Nagekeken door: Jos Jonckheer
Moderator: Jos Jonckheer
Laatste update:: 2014-08-12 door Jos Jonckheer