H(ier) nae volgen seke(re) articlen ende pointen dair op/ goyart goutsmeets als mo(m)boir lucie(n) goutsmets pauwels/ docht(er) sijnre nichten den naebescreven(en) p(er)soenen/ in meerder cleerniss(en) ende sterkeniss(en) van sijne(n) reden(en)/ in sijne(n) gescriften van sijne(n) verantwerden(e) ende/ duplijken begheert gemaent te hebben(e) ende/ hue(r) beste kynlijcheyt verclaert te hebben(e) Ten ynde/ oft u hee(re)n dochte dat inde(n) getuygenisse dwelc/ hij in zijne(n) gescrifte(n) ruert e(n)nige pointe(n) van/ dien niet claer genoech gethoent oft verclaert/ en wae(re)n te voirde(r) want jan lauwers dier/ vele ontkint en(de) soude hem selve(n) d(air) af purge(re)n/ willen met sijne(n) eede op dat hem gebue(re)n mochte/ soe ghij hee(re)n dat uuyt sijne(n) gescrifte(n) bevint/ Inden yersten beg(er)t de voirs(creven) goyart inde(n) name en(de)/ van wegen der voirs(creven) lucien gemaent te hebben(e)/ arnde de mesmake(re) ende aelbrechte gheerts oft/ hen niet kynlijck en es dat jan lauwers van/ yerst dat de voirs(creven) pauwels wijle(n) goutsmeets/ aflivich wordde(n) is tselve sterfhuys ae(n)veert en(de)/ dair af de hantteri(n)ge en(de) bewint af genomen/ heeft de goede(n) dair inne wesen(de) doen uuyt/ dragen dairt hem belieft heeft en(de) dat uuyt sijns/ selfs auctoriteyt sonder bevel oft toesien van hee(re) oft wette/ It(em) den selve(n) aelbrechte gheerts oft hem niet kynlijc/ en is dat hij selve als dair toe gehuert oft ten/ bevele van ja(n)ne lauwers voirs(creven) en(de) va(n) nyeman(de)/ anders int voirs(creven) sterfhuys gegaen is mits dat/ jan lauwers selve niet wel doen en dorste ov(er)mits/ dat pauwels soe corts te vore(n) gestorve(n) was ende haelde/ d(air) alrehande goet uuyt tot opter strate(n) dairt/ jan lauwers aenveerde ende gaf hem voir sijne(n) loon/ eene(n) hantboge die desselfs pauwels was ende beg(er)t/ voirt gevisiteert te hebben(e) eene c(er)tificatie d(er) stad vanden bossche (et)c(etera)
//
It(em) want hem goyart in zijne(n) gescriften en(de) sund(er)linge/ int ierste point van zijne(n) duplike int ynde/ gedraicht totte(n) laet (et)c(etera) Soe beg(er)t deselve goyart/ datme(n) visite(re) txvi[e] [en(de) xvii[e]] pointe(n) vand(en) getuygenisse/ inde(n) selve(n) gescriften geruert Ende om tselve te/ justifice(re)n beg(er)t deselve goyart gemaent te/ hebben(e) woute(re)n ansem mijs ja(n)ne meeus en(de) arnde/ de mesmake(re) oft hen niet kynlijck en is dat/ zij dair bij ende aen geweest hebben dair de/ voirs(creven) jan lauwers hem vernuecht en(de) betaelt kinde/ van peete(re)n vyngerhoets laet vand(er) kinde(re)n voirs(creven)/ goeden vand(en) sesse jae(re)n elcx jairs vii peet(er)s/ en(de) vand(en) ii ryns guld(en) vand(en) hoeywasse met/ oic vand(en) xxx st(uvers) die zij hem afseyden ind(er)/ manie(re)n tvoirs(creven) xvi[e] point vand(en) voirs(creven) getuygenisse/ dat begrijpt/ It(em) beg(er)t voirt gemaent te hebben(e) den voirs(creven) peete(re)n/ vyng(er)hoets oft hij de voirs(creven) betalinge van jae(r) te/ jae(r) niet gedaen en heeft met loopen(de) mu(n)ten en(de)/ niet in lichten ghelde dan alleene dleste jair/ dwelc gemiddelt wert met eene(n) swae(re)n leeuw/ dien hij d(air) op toeleyt Ende dat hij tselve goet opde(n)/ dach van heden noch hielt jairl(ijx) om vi(½) peet(er)s loopen(de) mu(n)te(n)/ soe jan lauwers hem dat verhuert heeft/ It(em) beg(er)t goyart voirt gemaent te hebben(e) ja(n)ne/ vanden hove [en(de) willem(me) sijne(n) sone] oft hen niet kynlijck en is dat zij/ van sijnder [mag jans] dochter wegen te weten(e) magrieten/ wed(uw)[e] henr(icx) boerts sijn geweest een middelers vand(en)/ twee jae(re)n hue(re)n vand(en) voirs(creven) goede(n) ende dat zij/ ja(n)ne lauwers vand(en) twee jae(re)n hue(re)n vand(en) selven/ goede(n) die peet(er) vyng(er)hoets d(air) na hadde om vii peet(er)s tsjaers/ vernuecht en(de) betaelt heeft
//
/ It(em) om te justifice(re)n iiii[e] point vande(n) verantw(er)den(e)/ en(de) duplijken des voirs(creven) goyarts beg(er)t goyart/ gevisiteert te hebben(e) tvoirs(creven) getuygenisse/ en(de) besundert xxxi[e] xxix[e] xxxii[e] en(de) xxxv[e]/ pointe(n) vande(n) selven ende beg(er)t voirt gemaent/ te hebben(e) diericke heesmans oft hem niet kynlijc/ en is dat hij tot roesel ten huyse jans lauwers/ voirs(creven) als schatte(r) geweest heeft en(de) d(er) voirs(creven)/ kinde(re)n goede(n) geschat heeft en(de) dat jan lauwers selve/ ghijsbrechte scosters den coop inde(n) voirs(creven) pointe(n)/ geruert vercocht en(de) niemant anders/ It(em) om tvi[e] point vand(en) selve(n) verantw(er)den(e) ende/ duplijken te justifice(re)n beg(er)t goyart oversien te/ hebben(e) inden voirs(creven) getuygenisse tvi[e] vii[e] viii[e]/ xiii[e] en(de) xliiii[e] pointe(n) vande(n) selve(n) Ende beg(er)t/ voirts gemaent te hebben(e) ja(n)ne meeus [goirde woyten] en(de) woute(re)n/ ansem mijs oft hen niet kenlijck en is dat zij/ tande(re)n tijden dair bij en(de) aen gestaen hebben dair/ de voirs(creven) jan lauwers int recht bekinde en(de) lijde/ dat tvillige(n) schot vand(er) voirs(creven) kinde(re) weg(en) vercocht/ was ja(n)ne vander voirt om xxv peet(er)s oft/ x loope(n) erfsrochs tsjaers tott(er) tijt toe de pe(n)ni(n)g(en)/ gegeve(n) wae(re)n/ It(em) den selve(n) dat jan lauwers int recht gestaen heeft/ als mo(m)boir vand(er) voirs(creven) kinde(re)n en(de) gaf de mo(m)borie/ alsdoen eene(n) ande(re)n over ov(er)mits dien dat hij selve/ alsdoen swoer ten heylige(n) [met sijnen brueders] dat tselve willige(n) schot/ den voirs(creven) kinde(re)n toebehoirde en den eedt gedaen/ sijnde dat hij dmo(m)boerscap wed(er)om ae(n)nam
//
It(em) den selve(n) p(er)soene(n) en(de) voirts alle den ande(re)n p(er)soene(n)/ oft hen niet kynlijck en is dat de voirs(creven) jan lauwers/ tselve erve wed(er)om naemaels ae(n)veert heeft en(de)/ dat gegeve(n) sijne(n) behoude(n) sone met sijnder dochter/ en(de) hebben dat alsoe yesedert beseten en(de) o(n)tvroemt/ des omtr(ent) xii jae(re)n mach geleden sijn/ It(em) om tvii[e] point vande(n) selve(n) te verclee(re)n beg(er)t/ goyart gevisiteert te hebben(e) txxii[e] xxiii[e]/ xxv[e] en(de) xxvi[e] pointe(n) vande(n) voirs(creven) getuygenisse/ Ende beg(er)t voirts gemaent te hebben(e) alle den/ voirs(creven) p(er)soene(n) oft hen niet kynlijck en is dat de/ voirs(creven) jan lauwers met sijne(n) brueders ae(n)veert en(de)/ gedeylt hebben alle de goede(n) have en(de) erve van/ laureyse brueders/ It(em) opt viii[e] point vande(n) selve(n) beg(er)t goyart/ gevisiteert te hebben(e) xxi[e] point vand(en) selve(n)/ getuygenisse Ende beg(er)t voirt datmen mane/ den coope(r) vande(n) selve(n) te weten(e) ja(n)ne ooms/ en(de) dat hij verclare hoe vele hij tselve cochte ende/ wat hij dair voe(r) betaelt heeft/ It(em) opt ix[e] beg(er)t hij gemaent te hebben(e) laureyse/ lauwers bij sijne(n) eede hoe vele hij oft hij niet teg(en)/ ja(n)ne lauwers sijnen brueder gecocht en heeft/ vande(n) kinde(re)n pauwels goutsmets goede(n) twee cope(re)n/ potten [en(de) eene(n) kandele(re) met twee pijpen] en(de) dat hij verclae(re) hoe vele hij die cochte oft in/ wat manie(re)n hij dair aen come(n) is
//
It(em) om te justifice(re)n txiii[e] point vand(en) selve(n) beg(er)t/ goyart gevisiteert te hebben(e) txx[e] point vand(en)/ voirs(creven) ov(er)geg(even) getuygenisse beg(er)t voirt gemaent/ te hebben(e) [willem(me) ende] ja(n)ne baten slepp(er)s sonen oft hen niet/ kynlijck en is dat de voirs(creven) jan lauwers selve/ de maende(r) van jae(r) te jae(r) geweest heeft vand(en)/ vijf loope(n) erfrogge(n) vand(en) voirs(creven) kinde(re)n wegen/ en(de) dat sijn moeder en(de) hij dat selve hem betaelt/ hebben oft den ghenen dient hij hen belaste te/ geven(e) en(de) dat totter tijt toe de kinde(re) dat/ selve gehave(n) hebben/ It(em) beg(er)t deselve goyart gemaent te hebben(e)/ wout(er) a(n)ssem mijs en(de) goirde woyten [en(de) al den ande(re)n p(er)soene(n) voirs(creven)] oft hen niet/ kynlijck en es dat sij den voirs(creven) ja(n)ne lauwers/ hebbe(n) hoire(n) segge(n) en(de) bekynne(n) voir scouth(eit) en(de)/ scepen(en) van mierde dat hij vande(n) huysrade der/ kinde(re)n pauwels goutsmets voirs(creven) noch wel/ onder hadde tot lxxx oft xc stucken toe soe/ datter eene(n) goeden wagen genoech te vueren/ hadde/ It(em) beg(er)t noch gemaent te hebben(e) moers peet(er) gheenkens/ en(de) arnde smesmakers oft hen niet kynlijck en is/ dat jan lauwers voirs(creven) vand(en) goeden d(er) voirs(creven)/ kinde(re)n goutsmeets coopdage gehoude(n) heeft en(de)/ den huysraet uuyte(n) selve(n) sterfhuyse gevuert in/ ande(re)n plecken en(de) plaetsen dairt hem belieft/ heeft als oft sijn p(ro)per eygen goet geweest wae(re)
//
It(em) noch salme(n) manen alle den voirs(creven) p(er)soenen/ oft hen niet kynlijck en is dat de voirs(creven) wijlen/ pauwels goutsmeets in zijne(n) leven(de) tijde en(de) ten/ tijde van sijnd(er) aflivicheyt was een tamelijc/ wel gestaedt eerbaer man wel gestoffeert va(n) i silve(re)n capruyne/ van goe alrehande goeden huysrade cleede(re)n/ habijten ende ty(m)mer getouwe gelijck u mijne/ hee(re)n oic uuyt vele div(er)sen pointe(n) inde(n) voirs(creven)/ getuygenisse geruert blijken sal wair o(m)me/ de selve goyart bidt dat die wel en(de) rijpelijc/ wordden oversien/ It(em) alle den selve(n) p(er)soene(n) oft hen niet kynlijck/ en is dat de voirs(creven) jan lauwers van yerst tot/ lest zedert d(er) aflivicheyt van wijle(n) pauwels/ de goutsmet tregime(n)t ende dbewi(n)t van alle/ den goede(n) acht(er) hem bliven(de) gehadt heeft sonder/ dat hem yema(n)t anders dies onderwonden heeft/ het en wae(re) geweest ten beheete vande(n) selve(n)/ ja(n)ne lauwers/ It(em) den selve goyart beg(er)t voirts en(de) bidt u hee(re)n/ dat alle dande(re) pointe(n) vand(en) voirs(creven) getuygenisse/ boven niet geruert insgelijcx oversien wordden/ dair uuyt men merckelijck oic bevi(n)den sal vele/ stucken bij hem te kynne(n) gegeve(n) ende de/ onwairheyt die jan lauwers voirtkeert

Jan meeus cleert dat hem voe(r) steet dat tgelt onder scepen(en) gestelt was mair hoe vele en weet/ hij niet en(de) dat gelt haelde jan lauwers oft henr(ick) zij(n) zwager in zijne(n) name anders en staet he(m) niet/ vele/ Wouter cleert dat he(m) kinlijc/ es dat pet(er) vyng(er)hoets onder/ scepen(en) stelde des hij vand(en)/vi jae(re)n tachter was en(de) dat/ dae(re)nbove(n) de scepen(en) pete(re)n/ afseyde(n) i zwae(re)n leeu/ ... hij ja(n)ne betaelde en(de) jan tooch oic tgelt onder scepen(en) staen(de)/ en(de) d(air)mede maecte(n) zijse/ eens mair he(m) en staet/ niet voe(r) hoe vele dat/ pet(er) betaelt hadde oft hoe lange dat hij d(air)op gewoent hadde en(de) dit was doen tgelt afghinc om dat deen/ hij tgelt geve(n) woude en(de) dand(er) woude zwaer gelt hebben/ arnt cleert als wouter en(de) dat hem jan lauwers v(er)nuecht kinde mits den gelde dat onder scepen(en)/ stont en(de) den goude(n) leeu die jan beyde tooch/ aff(irm)[at] dat hij he(m) va(n)/ jae(r) te jae(r) te weten va(n) vi/ jae(re)n en(de) den leeu betaelt/ heeft residuu(m) aff(irm)[at]/ jan [en(de) zijn sone] cleere(n) dat m(ar)griete/ he(n) betaelt heeft va(n) ii/ jae(re)n metter scare(n) die/ opt velt stont/ d(air) af jan lauwers willem(me)/ den sone last core(n) te/ betalen(e) den heylige(n) gheest/ en(de) tsurplus haelde jan/ lauwers selve m(aer) hoe vele en wete(n) zij niet want wel xv jair leden es
//
diericke cleert dat hij d(air)toe/ gehaelt was om te scatten(e)/ m(er) hij en scattes niet m(er)/ he(m) es wel kinlijc dat/ ghijsbrechts de goede cocht/ m(er) hoe vele en weet hij/ niet/ go(devar)[d(us)] woyten [et walt(erus)] es wel kinlijc/ dat he(m) ghijsbrecht scosters/ huysvr(ouw)[e] gedingt heeft/ tege(n) ja(n)ne lauwers en(de)/ dat jan lauwers segge(n)/ woude dat derve den/ o(n)mu(n)dige(n) kinde(re)n toebeh(oirde)/ en(de) ghijsbrechte woude segge(n)/ dat laureyse brued(er)s toe/ hoirde en(de) dat zijnder huysvr(ouw)[en]/ v(er)storve(n) was mair hij/ woude wel altijt den/ kinde(re)n late(n) volge(n) hue(re)/ ae(n)gedeelte vand(en) xxv pet(er)s/ jan meeus d...? sek(er) m(aer) aengaen(de) den beky(n)ne en steet hen niet voe(r)
//
jan meeus es wel kinlijc dat de behoude sone [dat alsoe] besete(n) heeft m(aer) hoe hij d(aer)aen come(n) is en weet hij niet/ goyart woyts seet dat bedingt was en(de) vervo(n)nist en(de) dat een olc geheete(n) jan lauwers gecocht heeft en(de) gaeft den/ behoude(n) sone over wouter mijs seet dat een h(eer) geheete(n) jan [henr(ick)] maes dat opgedingt heeft va(n) zijns ooms wege(n)/ en(de) dat doen d(air) men d(air) op sat een ander geheete(n) j oic jan lauwers dat te coope nam en(de) gaeft en(de) dat d(air) nae/ jan lauwers die hier/ nu dingt wed(e)r aen derve/ come(n) es en(de) dat hij derve/ altijt gehoude(n) heeft en(de)/ noch doet oft zijn dochter/ hezeman d...? sek(er)/ mesmake(r) cleert dat he(m) kinlijc es dat zij derve altijt zeder gebruyct en(de) gebesicht hebben en(de) noch doen/ pet(er) vyng(er)hoet es oic kinlijc dat de behoude sone en(de) docht(er) derve noch bruyken en(de) besige(n)/ moers pet(er) ghe...? d...? sek(er) en(de) dat zijt altijt besete(n) hebben laureys lauwers cleert als wout(er) mijs/ meeus aff(irm)[at] dat hijt/ mette(n) ande(re)n erfg(enamen) ae(n)veert/ hebbe(n) et o(mn)es alii in p(re)ceden(ti)/ ar(tic)[lo] no(m)i(n)ati/ joh(an)es ooms no(n) int(er)fuerit
//
gort en(de) wout(er) hebbe(n) gehoirt/ dat gort goutsmeets/ ja(n)ne lauwers vraechde/ wairo(m)me hij he(m) niet/ uut en sette en(de) dat jan/ doen seyde ghij en hadt/ gheene(n) wage(n) mair co(m)pt/ m(er)gen oft overm(er)gen weder/ met eene(n) wagen(e) ic sal/ u alsdan uutsetten mair/ en hoirde(n) hem niet groetze(n) o(mn)es alii ...?/ Hen es kinlijc dat/ hij des huysraet opt/ state ae(n)veerde en(de) v(er)cocht/ wien hij woude en(de) dat/ hij niet v(er)coope(n) en conste/ vuerde hij wech dair/ hij woude m(air) zij en/ wete(n) niet wair
//
Wout(er) mijs blijft d(air) af bij zij(n) voir getuychnisse en(de) dat hij heyligeestmeest(er) was/dierick cl O(mn)es alii q(u)od noveru(n)t/ aff(irm)[at] nae zijne(n) staet/ en(de) dat hij i silve(re)n/ capruyn droecht/ Mesmak(er) aff(irm)[at] / theo...? aff(irm)[at]/ meeus aff(irm)[at]/ wout(er) blijft bij de leste(n)/ getuychenisse/ vyng(er)hoets aff(irm)[at] laur(eys) lauwers [seet] dat/he(m) pauwels zijne(n) brued(er)/ bat dat hij de kinde(re) rege(re)n woude en(de) dat hijt alsoe gedaen heeft/ moers aff(irm)[at]/ ael gheerts aff(irm)[at]
//