It(em) es den voirs(creven) brief bekint te dier meyni(n)g(en) dat de/ voirs(creven) wouter hem h(ier) mede behulpen sal om tot sijnd(er) maniss(en)/ costeloes ende schadeloes onthave(n) te wordden(e) van alsulke(n) mudde/ corens erfspachts d(air) voe(r) wouter borghe bleven is voir ja(n)ne/ boone van s(in)t peet(er)srode opten xxii[en] dach van januario int/ jair van xcvii lestleden aen lodewijke baets met alle(n) costen/ die hij dair o(m)me soude moegen lijden zij wae(re)n van rechte/ oft anderssins Ende tselve mudde gequeten sijnde sal des(en)/ brief te nyeute sijn Met vorweerden oic eest dat goirt/ boone voirs(creven) des(er) gelijke gelufte niet en doet voir scep(enen)/ soe sullen de voirs(creven) peeter ende eemout des(er) geluften/ ongehouden zijn cor(am) eisd(em)