It(em) joes peysman sone wijlen joes in p(rese)ntia heeft/ geloeft hee(re)n lodewijke pynnock ridder hee(re) va(n)der nuw(er)horst/ van velpe(n) hoefmeest(er) ons gened(ichs) hee(re)n ertsh(er)toge(n) ph(ilip)s/ ende sijnder genaden meye(r) van loeven(en) soe v(er)re hem/ e(n)nige gevangen(en) ontbraken opder steenpoirten oft die hij/ in zijnen behoede hebben sal als steenwechte(r) dat m(ijn) hee(re)/ dat aen sijn lijf oft goeden verhalen sal tamq(uam) ass(ecutu)[m]/ Ende hier voe(r) es borghe cornelijs de molde(re) vroede molde(r)/ et p(ri)m(us) cor(am) borch boechout dece(m)br(is) xxix