It(em) gerardus vasont als man ende mo(m)boir jeha(n)nen/ moerkens sijnder huysvrouwe(n) die met scepen(en) brieven/ van loeven(e) vander daet xiiii[c] [vacat]/ heeft twee rijders lijftocht(en) tstuck te xxv stuvers/ ten live der voirs(creven) jehannen moerkens en(de) g(er)truyd(en)/ moerkens huer(er) zuster huysvrouwe henr(icx) vasont/ op anth(onise) wijlen van wynghe meest(er) thomase sijnen/ vader ende adam van overmoelen d(air)af dbeleyt gedaen/ is xxi maii a(n)no lxxxvii vanden welken de actie/ alleene competeert den voirs(creven) gerarde gelijck/ dat bleeck bij deyling(en) gepass(ee)[rt] voir scepen(en) va(n) loeven(e)/ heeft gecleert bij zijnen eede dien hij dairo(m)me/ lijflijck ten heyligen gedaen heeft in hande(n) symoens/ bellens vorste(r) datmen hem ter causen vand(en) voirs(creven)/ twee rijders boven alle betalinge van verloope/ en(de) costen dair op gedaen noch tachter is de so(m)me/ van vijfthien ryns guld(en) acht stuvers eens Heeft
//
dair o(m)me deselve gerardus bekint vand(en) voirs(creven) henrick/ de hey(m)momez vand(er) principalen pe(n)ning(en) gecomen/ vander baten der voirs(creven) goeden ontfang(en) te hebben(e)/ de voirs(creven) vijfthien ryns guld(en) acht stuvers va(n) verlette/ Ende noch voir de principale hootpe(n)i(n)g(en) der/ selver twee rijders lijfpen(sien) viventwintich r(yns) guld(en)/ curren(tibus) ende tsurplus des hij meer behoirde te hebben(e)/ aengesien dat souden hebben moeten sijn ph(ilip)s oft karol(us)/ stuvers heeft deselve gerard[(us)] gequiteert Soe/ loopt de so(m)me die gerard[(us)] bekint heeft vanden/ voirs(creven) henricke ontfangen te hebben(e) xl r(yns) g(ulden) acht/ stuvers eens curren(tibus) van welker so(m)men de voirs(creven)/ gerard[(us)] geloeft heeft teg(en) eene(n)yegelijken inne te/ stane dair af genoech te doene ende guarrant/ te zijne In gevalle in toecomen(de) tijden yemant/ anders met rechte totten voirs(creven) pe(n)ning(en) conste/ gecomen bliven(de) deselve gerard[(us)] altijt op sijn recht/ ende ouderdom van zijnen brieve(n) ende beleyde Cor(am)/ buetsele boechout marcii xx