Alsoe als ten vervolge der mo(m)boe(re)n vand(er) wettige(n) kinde(re)n/ jans wijlen de waerzege(re) geleyt zijnde nae des(er) stad/ recht voir hen wettich gebreck uuyt crachte van scepen(en)/ brieven van loeven(e) tot alle den goeden beyde have/ ende erve reyneers wijlen reers jans ende henricx/ sijnder kinde(re)n soe wair die geleg(en) zijn met brieven/ van des(er) stad gescreve(n) es geweest aenden meye(r) van/ zichen(en) oft zijne(n) stadhoude(r) te houdert Ende ernstelijck/ versocht alle deselve goede te leve(re)n ende te doen volg(en)/ den voirs(creven) geleydden oft den bringer ons(er) brieve(n) in/ hue(re)n name Ende den kinde(re)n der voirs(creven) p(er)soene(n) hue(re)n/ erfgenamen wynne(n) ende besitt(er)s vande(n) selve(n) goeden/ dach van rechte te bescheyden(e) in gevalle van oppositie(n)/ op heden dienen(de) voir meye(r) ende scep(enen) van loeven(e) Aldair gheen van hen en compareerde noch p(ro)cur(eur)/ van hue(re)n wegen den voirs(creven) mo(m)boe(re)n compare(re)nde / ende trecht voirts versuekende soe hebben scepen(en)/ van loeven(e) ter maniss(en) smeyers gewesen met vo(n)nisse/ nae dien hen behoirlijck gebleken was bij cleerniss(en)
//
laureys van valkenboch de leveri(n)ge executie ende/ dachbescheydinge nae inhoudt sbriefs voirs(creven) gedaen/ te zijne datmen den voirs(screven) geleydden vanden/ geleverden goeden houden sal inde macht van hue(re)n/ scepen(en) brieve(n) soe verre alst noch voir scepen(en) comen/ is in scampno Cor(am) om(n)ib[(us)] dempto borch m(ar)cii xiiii