Alsoe als ten vervolge jans van hoevelde ende/(christ)iaens van dyeven als mo(m)boe(re)n vanden kinde(re)n/ jans de wairzege(re) geleyt zijnde nae deser stad/ recht voir hue(r) wettich gebreck uuyt crachte van
//
scepen(en) brieve(n) van loeven(e) tot alle den goeden beyde/ have ende erve henricx wijlen reers soe wair die/ geleg(en) zijn met brieven van deser stad gescreve(n)/ es geweest aenden meye(r) van zichen(en) oft zijnen/ stadhoude(r) te houdert Ende ernstelijck versocht/ alle deselve goede te leve(re)n en(de) peyslijck te doen/ volgen den voirs(creven) geleydden oft den bringer ons(er)/ brieve(n) in hue(re)n name ende reyne(re)n reers/ sone des voirs(creven) wijlen reyn(er)s den p(er)soen van houdert/ ja(n)ne bokel ende ja(n)ne cole dach van rechte/ te bescheyden(e) in gevallle van oppositien op heden/ dienen(de) Aldair gheen van hen noch p(ro)cur(eur) van/ hue(re)n wegen en compareerde den voirs(creven) geleydde(n)/ compare(re)nde ende trecht voirts versueken(de) soe/ hebben scepen(en) van loeven(e) ter maniss(en) smeyers gewes(en)/ met vo(n)nisse nae dien hen behoirlijck gebleke(n) was/ bij cleerniss(en) laureys van valkenborch bode de/ leveri(n)ge en dachbesch(eydinge) voirs(creven) geschiet te zijne/ datme(n) den voirs(creven) geleydden vand(en) geleverden/ goeden houden sal inde macht van hue(re)n scepen(en)/ brieve(n) soe verre alst noch voir scepen(en) comen is/ in scampno Cor(am) eisd(em)