Compare(re)nde voir den raide vander stad de bedesette(re)n/ sdorps van oplynthe(r) ter eender zijden ende goessen/ van baussele ter ande(re) om diverse p(ar)tien va(n) beden/ die de voirs(creven) bedesette(re)n van diversen(en) t(er)mijne(n) den/ voirs(creven) goessen yesschen Dair af hem de voirs(creven)/ goessen beclaechde seggen(de) dat hij dair inne/ grootelijck was versedt vele meer en(de) hooge(r) dan/ ande(re) van zijnder qualiteyt Es get(er)mineert dat/ de voirs(creven) goessen gehouden sal zijn te namptise(re)n/ de p(ar)tien van beden dair op hij bijde(n) gesworen(en)/ bedesette(re)n is gesedt Des sullen zij tot zijnre/ beg(er)ten overgeven bij goeder declaratien ende/ specificatie(n) van wat beden ende van wat t(er)mijnen/ hij es getaxeert ende oick ostentie doen vander/ rek(ening)[en] dair af gedaen om dair op ende tegen/ te moegen allige(re)n Desgelijcx oick de voirs(creven)/ bedesette(re)n dair tegen des elken van hen goetduncken/ sal ende dae(re)ntynden gedaen ende geappointeert/ te wordde(n) soe nae recht behoire(n) sal in pleno (con)s(ili)[o]/ aprilis xix