SAL7783, Akte: R°315.3-V°315.1 (609 van 711)
Akte R°315.3-V°315.1
Act
Datum: 1499-05-06
Transcriptie
2020-05-18 door Willy StevensIt(em) jan van ghoten sone wijlen henricx woenen(de) te/
nosseghem in p(rese)ntia heeft geloeft arnde de becke(re)/
woute(re)n mertens ende goirde vander heyden voir hen/
ende hue(re)n medeplege(re)n in desen costeloes en(de) schadeloes/
te houden(e) ende tontheffen(e) vander helicht van dien/
zesse ryns guld(en) erflijck die machiel wijlen van bouler/
henrick van bouler zijn sone ende meer ande(re) bekint/
hebben voir scepen(en) van loeven(e) opten xxix[en] dach/
van octobri int jair van lxxxviii lestleden h(er)ma(n)ne/
yeven met oick vander helicht van allen costen ende/
lasten die de voirs(creven) arndt wouter en(de) hue(re) medeplege(re)n/
dairo(m)me geleden hebben oft soude(n) moegen lijden t(am)q(uam)/
ass(ecutu)[m] behalve(n) dat den voirs(creven) ja(n)ne ghoten ende/
den kinde(re)n willems wijlen ghoten dair voe(r) hij/
dese gelufte gedaen heeft mits dat deselve wijlen/
willem voir de voirs(creven) rinte verbonden staet
//
hier inne te baten comen sal de helicht van desmen/ sal connen verreycken opde goede des voirs(creven)/ machiels henricke ende sijn goede Cor(am) pynnock/ buetsele maii vi
//
hier inne te baten comen sal de helicht van desmen/ sal connen verreycken opde goede des voirs(creven)/ machiels henricke ende sijn goede Cor(am) pynnock/ buetsele maii vi
Nagekeken door: Jos Jonckheer
Moderator: Jos Jonckheer
Laatste update:: 2014-09-02 door Jos Jonckheer