Nae dien arndt spaens behoirlijck met nae/ des(er) recht met drie rastemente(n) gevolght/ heeft op seke(re) haeffelijke goede vand(er) wed(uw)[en]/ willems wijlen swilden tot eenen huyse/ naist den pelgrijm inde bieststrate voir/ seke(re) scult die hij der voirs(creven) weduwen/ eysschen(de) was ende de conde heeft doen/ doen der voirs(creven) weduwen met janne/ zedele(re) vorste(r) in des(er) stadt en(de) der voirs(creven)/ weduwen dach bescheyden dienen(de)/ op heden te mistijde inde banck voir/ meye(r) en(de) scepen(en) van loven(e) om dat te/ v(er)antw(er)den Ald(air) nyema(n)t en compareerde/ den voirs(creven) arnde compare(re)nde en(de) trecht/ versueken(de) soe hebben de scepen(en) van loven(e)/ ter manissen smeyers nae dien hij gebleken/ was bij cleernissen bij cleernissen des voirs(creven)/ jans de conde en(de) dach bescheydinge soe/ voirs(creven) is geschiet te sijne gewesen met/ vo(n)nisse dat de voirs(creven) arndt sculdich/ soude sijn sijn schult te ve(r)ifice(re)n bij eede/ en(de) dae(re)ntynden recht dwelc deselve arndt/peter dede en(de) cleerde sijn schult bij eede/ op vii rinsch guld(en) sonder de costen d(aer)op
//
scepen(en) vorts gemae(n)t hebben gewesen/ met vo(n)nisse dat de voirs(creven) arndt sijn/ voirs(creven) geve(r)ificeerde schult mette(n) costen/ sal mog(en) v(er)halen aen de voirs(creven) gerasteerde/ goede ende dae(re)entijnden recht behalve(n)/ ofter yet overt dat hij dat wed(er)kee(re)n/ sal en(de) ofter gebrect dat hij dat sal moge(n)/ volgen met rechte in sca(m)pno Cor(am) o(mn)ib(us)/ dempt(is) pynnock crol junii vi