alsoe als ten v(er)volghe Want vrancke loenke(n)s/ geleydt zijnde nae den rechte van des(er)/ stadt uuyt crachte van seke(re)n bekynne(n)/ gepasseert voir trecht vand(en) lake(n)guld(en)/ alhier tot alle den goed(en) beyde have en(de)/ erve jans de wale soe wair die geleg(en)/ sijn hem met janne beeren vorste(r) van/ des(er) stadt alle de selve goede heeft doen/ leve(re)n Ende [vacat] doen dach van/ rechte bescheyden te compare(re)n alhier inde/ banck voir meye(r) en(de) scepen(en) van loven(e)/ ald(aer) de voirs(creven) [vacat] noch p(ro)cur(eur) van/ zijne(n) wege(n) nyet en is geco(m)pareert den/ voirs(creven) geleydden compare(re)nde en(de) trecht/ vort versueken(de) d(er) soe hebben de scepen(en)/ van loven(e) yerst ae(n)gehoirt den voirs(creven)/ ja(n)ne beeren die cleerde bij zijne(n) eede/ de leveri(n)ge en(de) dach bescheydinge voirs(creven)/ gedaen te hebben(e) ter manissen smeyers/ gewesen met vo(n)nisse datmen den/ voirs(creven) geleydden vand(en) voirs(creven) goeden/ houden zoude? inde macht vand(en)/ voirs(creven) beleyde behalve(n) dat soe v(er)re/ he(n)rick ty(m)merman die co(m)pareerde d(aer)inne/ gericht is dat hij onv(er)let staen soude in/ zijne(n) rechte in sca(m)pno Cor(am) o(mn)ib[(us)] de(m)pto/ pynnock ja(nuar)ii junii xi