It(em) es vort voirw(er)de ende tusschen der voirs(creven)/ jouffr(ouw)[en] ende meeste(re)n fransen(e) ond(er)sproken/ aengaen(de) den xxiii rinschguld(en) erflic/ dat de voirs(creven) gehuysschen tallen tijden alst/ hen gelieft in mi(n)dernisse ende afslage/ vand(er) selver erfrinten sullen mogen/ bewijsen ande(re) rinten oft die bewijsen/ wel en(de) loflijck v(er)pandt bynnen der/ ba(n)mijlen van loven(en) nae der stadt recht/ al en en wae(re)n de voirs(creven) gehuysschen d(air)toe/ vand(er) voirs(creven) jouffrouwen niet v(er)socht/ Ende oft die rinte(n) niet soe goet/ ind(er) estimatien en wae(re)n oft dat die/ myn af te leggen stonden dan den pe(n)ni(n)ck/ xviii datmen dat altijt nae advena(n)t/ cortten sal Coram eisd(em)