It(em) adam symon sone wijlen symoens woenen(de)/ op thoff des goidshuys van ned(er)lynthe(r) tot groot/ halleer in p(rese)ntia heeft gekint en(de) geleden de/ pachtinge vande(n) selve(n) hove mette(n) toebehoirte(n)/ van ja(n)ne flerchuyt ov(er)genome(n) te hebben(e)/ in alle der vuegen en(de) manie(re)n de selve jan/ die ae(n)nam voir scepen(en) van loven(e) opden xvi[en]/ dach van janua(r)io int jair van xcvi lestleden/ Ende heeft d(air)o(m)me geloeft den voirs(creven) ja(n)ne/ vand(er) viii ja(r)en selv(er) pechtinge(n) met oic vand(en)/ preste(n) d(air)inne begrepen costeloes en(de) schadeloes/ te houden(e) en(de) to(n)theffen(e) behalve(n) alleen(e) vand(en)/ yerste(n) ja(r)e soe v(er)re de selve jan d(air) af yet tacht(er)/ wa(r)e dat soude hij moete(n) den goidsh(uyse) voldoen/ ta(m)q(uam) ass(ecutu)[m] Ende zijn borghe(n) des voirs(creven) adams/ als pri(n)cipale te wo als voir des naebescr(even)/ is pasquael symon sone des voirs(creven) adams/ p(ri)us ema(n)cipat(us) denijs maquaert sone wijlen/ fascrarts jan demens sone wijlen wout(er)s en(de)/ wouter symoen brued(er) des voirs(creven) adams alle/ drie woenen(de) te linshain Te weten(e) elc/ van hen vie(re)n voir vijfthien rinsch guld(en)/ te xx st(uvers) tstuck eens die de voirs(creven) jan/ flerchuyt aen elken van hen sal moege(n)/ v(er)halen oft zijn goede soe v(er)re hij van soe/ vele oft meer uuyt saken vand(er) voirs(creven)/ pechtinge(n) beschadicht wordde et p(rim)[(us)]/ Cor(am) borch buetsele febr(uarii) xi