Alsoe als ten vervolge wouters van langrode geleyt/ zijnde nae des(er) stad recht voir sijn wettich gebreck/ uuyt crachte van scepen(en) brieve(n) van loeven(e) tot allen/ den goeden beyde have ende erve onder den ande(re)n/ henricx de scheepe(re) ende jans boone soe wair/ die gelegen zijn met brieve(n) van des(er) stad/ gescreve(n) es geweest aende(n) meye(r) van s(in)t peet(ers)rode/ oft zijne(n) stadhoude(r) Ende ernstelijck versocht alle/ der selver p(er)soene(n) goeden te leve(re)n ende te doen volgen/ den voirs(creven) geleydden oft den bringer ons(er) brieven/ in zijnen name ende den selve(n) p(er)soene(n) dach/ te bescheyden voir meye(r) en(de) scepen(en) van loeven(e) in/ gevalle va(n) oppositien welken dach op heden diende/ Ald(air) niema(n)t van hen [weg(en) des voirs(creven) jans] en compareerde den voirs(creven)/ geleydden compare(re)nde ende trecht voirts versueken(de)/ soe hebben scepen(en) van loeven(e) ter maniss(en) smeyers/ gewesen met vo(n)nisse nae dien hen ghebleken was/ bij cleerniss(en) jans dridons bode de leveri(n)ge ende/ dachbescheydinge voirs(creven) nae inhoudt sbriefs geschiet/ te zijne datmen den voirs(creven) geleydden vand(en)/ voirs(creven) geleverden goeden [des voirs(creven) jans boone] houden sal in de macht/ van zijne(n) voirs(creven) scepen(en) brieve(n) soe verre alst noch/ voir scepen(en) comen is in sca(m)pno maii xxiii