It(em) jan zoram geheeten de keersmake(re) en(de)/ willem van bierbeke al(ia)s van wilre de/ jonghe in p(rese)ntia hebben genome(n) en(de) bekynne(n)/ genome(n) te hebben(e) van h(er) anthonijse bruyni(n)cx/ en(de) henricke de heymomes pechte(re)n/ vand(er) thienden der hee(re)n van s(in)[te] pauwels/ te luydick eene thiende geheeten de/ braba(n)tsche thiende te nodebeke en(de) d(aer)omtri(n)t/ gelegen gelijkerwijs en(de) soe v(er)re de voirs(creven)/ jan joron de selve thiende eene(n) t(er)mijn van/ drie jai(r)en lanck due(re)nde hier te voe(re)n/ gehadt heeft te houden te hebben en(de) in/ pachtinge(n) te besitten van s(in)t jans(miss)[e] naistc(omende)/ eenen t(er)mijn van drie jai(r)en lang due(re)nde/ deen nae dand(er) sond(er) middel vervolgen(de)/ elcx jairs dae(re)nbynnen om en(de) voe(r) vijftich
//
rinsch guld(en) te xx st(uvers) mu(n)te ons genad(ichs) hee(re)n/ tstuck ge(re)kent in braba(n)t loop hebben(de) jairlijcx/ te betalen(e) deen helicht derdendeel s(in)t lambr(echts)/ misse dand(er) derdel s(in)t pauwels ap(oste)ls dage/ ende dand(er) derdel te paesschen al v(er)volgen(de)/ en(de) te loven te leve(re)n den voirs(creven) h(er) anth(onijse) oft/ he(n)ricke dien zij tyerst vinden sullen en(de)/ die hen quit(ancie) geve quol(ibe)t ass(ecutu)[m] It(em) es voirw(er)de/ om deswille dat ind(en) pechtinge(n) die de/ voirs(creven) h(er) anth(onijs) en(de) henrick gedaen hebben tege(n)/ de voirs(creven) hee(re)n van s(in)[te] pauwels voirw(er)de es/ bij alsoe zij bynne(n) twee dagen nae elken/ t(er)mijn nyet en betailden dat zij alsdan den/ selven hee(re)n van s(in)[te] pauwels elcx daichs d(aer)nae/ geven sullen en(de) betalen eene(n) rinsch guld(en)/ te lx pl(a)c(ken) sond(er) afslach vand(er) principaeld(er)/ so(m)men dwelc zij geloeft hebben Soe es/ voirweerde en(de) hebben geloeft de voirs(creven) jan/ ende willem den voirs(creven) hee(re)n anth(onijse) en(de)/ henricke bij alsoe zij bynnen xiiii dagen/ nae elken t(er)mijn van betalen(e) voirs(creven) hen/ nyet betailt en hadden dat zij en(de) elc van/ hen in dien gevalle hen geve(n) en(de) betalen/ sullen insgelijcx elcx daichs d(aer)af zij in/ gebreke wa(r)en van betalen(e) eene(n) gelijken/ rinsch guld(en) sond(er) afslach der voirs(creven) so(m)men/ It(em) es voirweerde oft gebuerde dat de thiende/ die bynnen brabant gelegen is beslage(n)/ oft rasteme(n)te gedaen wordde dat de voirs(creven)/ h(er) anthonijs en(de) henrick dat cuelen en(de) afdoen/ sullen en(de) den voirs(creven) pechteners d(aer)af costeloos/ houden It(em) oft e(n)nige(n) tempeest hagelslach/ oft schade van volke van wapen(en) gebuerde/ den voirs(creven) t(er)mijn due(re)nde dat den voirs(creven)/ pechte(re)n afslach vand(er) schaden in desen/ gebue(re)n sal nae gelegenth(eit) der saken en(de)/ schaden geschiet Behalve(n) oft zij e(n)nich/ cortsel d(aer)af hebben willen sulle(n) de schade
//
t(er)stont bynne(n) eene(n) dage nae dat die/ gebuert sal sijn den voirs(creven) h(er) anth(onijse) oft henr(ick)[e]/ moeten cu(n)digen oft anders en soude hen/ d(aer)af gheen cortsel gebue(re)n It(em) dat de voirs(creven)/ pechters vand(en) iii dach(maelen) lants die zij hebbe(n)/ vand(en) hee(re)n van s(in)[te] pauwels jairlijcx om/ drie halste(re)n rogs den voirs(creven) t(er)mijn van drie/ jai(r)en lang due(re)nde nyet geven en sulle(n)/ mair sullen die overmits der voirs(creven) thiende(n)/ bynnen hebben et quil(ibe)t aliu(m) de me(dieta)[te]/ Vort meer heeft de keersmake(re) geloeft sijn/ helicht vand(en) voirs(creven) thienden jairlijcx in/ eene schue(re) te vueren(e) en(de) die nyet te/ rueren noch te dorsschen ten zij bij conse(n)te/ des voirs(creven) willems oft ten zij totter betalinge(n)/ vanden voirs(creven) sijnen parte vand(en) voirs(creven)/ vijftich rinsch guld(en) soe dat willem voirs(creven)/ van dier helicht ongelast blive Ende alle/ dese voirweerden Cor(am) buetsele boech(out) junii xvii