Compare(re)nde voir den raide vand(er) stadt arndt/ van vlasselair vleeschouwe(r) die hadde doen/ co(m)me(re)n janne guedens ae(n)legge(r) ter eend(er)/ zijden ende de selve jan verweerde(r) ter ande(re)/ seyde de selve arndt dat hij den voirs(creven) janne/ hadde doen co(m)me(re)n voir gebreck van betalinge(n)/ van vijftich rinsch gulden(en) D(air)inne hij te henw(er)ts/ bij crachte van seke(re)n appointeme(n)te ende/ uuytspraken vortijts voir scepen(en) van loven(e)/ gedaen ende gep(ro)nu(n)cieert opden xvii[en] dach/ van junio a(n)no xc lestleden v(er)bonden was/ bege(re)nde voir sijne conclusie dat hij sculdich/ soude sijn te wordden ond(er)wesen oft met/ rechte bedwongen dat hij de voirs(creven) vijftich/ rinsch gulden(en) oplegge(n) ende betale(n) soude/ oft bewijssenisse van betalinge doen oft d(air)voe(r) soude/ gehouwe(n) blive(n) D(air)op de voirs(creven) jan guede(n)s/ antweerden(de) bekinde dat hij bij crachte vand(en)/ voirs(creven) uuytspraken magriete(n) moeder/ des voirs(creven) arnts ende den voirs(creven) arnd tot/ hue(re)n behoef sculdich hadde geweest en(de) geloeft/ de vijftich rinsch gulden(en) bij hem geruert en(de)/ dat hem hij die wel en(de) duechdelijc hadde/ betailt mits den welken hem vande(n)/ onredelijken voirnemen(en) des voirs(creven) arnts/ niet genoech en conde verwonde(re)n en(de)/ om de voirs(creven) betalinge te bewijsen(e) exhib/ dede hij blijken soe bij scepen(en) brieve(n) van/ aersschot van div(er)sen p(ar)tien van o(n)tfange/ die zijne moed(er) hadde bekint al voirs(creven)/ vijftich rinsch gul(den) o(n)tfangen te hebben(e) soe/ bij v(er)clae(re)n van bertel(en) de ruyssche en(de) vand(en)/ rintm(eeste)rs van des(er) stadt dat seke(re) betali(n)ge/ tot desselfs arnts beheete gedaen was/ in mi(n)d(er)nisse(n) van des hij sculdich was dat hij over was betailt Es p(ar)tien/ int la(n)ge gehoirt uuytgesproken en(de)
//
get(er)mineert voir recht dat de voirs(creven) arndt/ tonrechte ende quad(er) saken den voirs(creven)/ janne guedens heeft gemolesteert/ dat de selve jan van zijne(n) eyssche sal/ sijn en(de) blive(n) quijt ende ongehoude(n)/ ende dat overmits den openbae(re)n fraude(n)/ des voirs(creven) arnts de principale brieve(n)/ metten beleyde d(air)uuyt gedaen hij/ sculdich sal sijn te bringen ond(er) wet/ alsoe wel tot behoef des voirs(creven) jans/ als van hem In (con)s(ili)[o] julii xxiii