Item vanden twiste die uuytgestaen heeft tusschen/ jehannen moeleslagers weduwe symoens wijlen/ symoens ter eenre zijden en(de) henricke carbeel/ smet ter ande(re) aengaen(de) eenre goten liggen(de) op/ derve der voirs(creven) weduwen lanx hue(re)n stalle/ inde scaelgie vander erve(n) des voirs(creven) henr(icken) en(de)/ ande(re)n pointen dair om zij clachtich vielen tegen/ malcande(re)n soe dat bijden borg(er)meest(er) en(de) ter/ ordinan(cien) vanden selven der stad gesworen(en)/ meesters opt selve erve geweest hebben en(de)/ dat gevisiteert wel en(de) int lange en(de) hebben/ hue(r) eendrechtige uuytsprake voir recht dair/ af gedaen inder manie(re)n navolgen(de) Inden/ yersten aengaen(de) der voirs(creven) goten es duytsprake/ soe verre henr(ick) aldair e(n)nige messie houden/ wilt dat hij sal sculdich zijn een(en) muer te maken(e)
//
op sijns selfs erve lanx der goten der voirs(creven)/ weduwen drie voeten hoeghe steens dicke/ zoe dat der weduwen noch huer(en) erve(n) dair/ bij gheen ongebruyck en gebue(re) It(em) en(de) aengaen(de)/ den muere van zijnen stalle daer den stijl/ op staet van zijnen stalle dat hij dien sculdich/ sal zijn af te doen(e) en(de) te stellen(e) vijf duyme(n)/ uuyt den mue(r) vand(er) voirs(creven) weduwen Ende/ aengaende der questien vanden gebroken(en) mue(r)/ aende staldoe(r) vand(er) selver weduwen es/ duytsprake want de meesters bevi(n)den dat den/ muer henricke toebehort dat henrick dien sal/ doen maken ende repare(re)n nae zijnen goetduncken(e)/ soe hij wilt beheymt zijn en(de) dien vijf duymen/ laten comen vanden mue(r) der selver weduwen/ soe verre het der selver weduwen belieft Ende/ want henr(ick) seggen wilt dat dien muer gebroken/ es bij toedoen(e) vand(er) voirs(creven) weduwen es duytsprake/ soe verre henrick dat bewijsen can den rechte/ genoech zijnde dat de weduwe dien selve sal moete(n)/ doen maken en(de) repare(re)n soet behoort Ende/ dese uutsprake hebben de voirs(creven) p(ar)tien gelooft te/ onderhouden(e) (et)c(etera) In for(ma) cor(am) buetsele baets aug(usti) v