It(em) hee(re) en(de) meester gieleyn lodijck p(ro)chiaen der/ kercken van s(in)[t] mychiels te loeven(e) jan [henrick] de coste(re) jan/ vasont willem de thymo en(de) jan de hane als kerck/ meeste(re)n d(er) selver kercken in jegewoirdich(eit) d(er) scepen(en) van/ loeven(e) gestaen hebben gekint en(de) gelijdt dat zij voir hen/ en(de) hue(re)n nacomelinge(n) prochiaen en(de) kercmeest(er)s der/ voirs(creven) kercken ov(er) een wijle geleden in p(rese)ncien en(de) bij gemeynen/ advijse ov(er)drage en(de) consente vand(en) goeden lieden der voirs(creven)/ prochien d(air)toe geroepen en(de) vergadert ov(er)comen en(de) v(er)accordeert/ zijn met hee(re)n ja(n)ne de sweertvage(re) prieste(r) inder voirs(creven)/ kercken aengaen(de) eender erf singen(de) messe gedaen te/ wordden ter eeren en(de) weerdicheyt vander weerdiger/ santinne(n) en(de) vrouwe s(in)[t] anna moeder der glorieuser/ maget marien die de selve her jan over lanck/ hadde begheert te funde(re)n en(de) te besetten inder vuge(n)/ ende op de condicie(n) hier nae volgen(de) Te weten(e) inden/ yersten dat om en(de) voe(r) de hootpe(n)ningen van acht/ ryns gulden(en) te twintich stuv(er)s tstuck erflijck den/ pe(n)ninck xviii dair af alsoe de voirs(creven) prochiaen/ en(de) kerckmeesters bekinden vanden voirs(creven) h(er) janne/ soe in gereeden goeden die hem voirtijts vand(er) kercke(n)/ wegen in betalingen van vijftich ryns gulden(en) eens/ in handen wae(re)n gegeven en(de) dair voe(r) weder overgelev(er)t/ heeft soe met tgene des hij aen de kercke uut pijne/ en(de) arbeyde heeft verdient en(de) vand(er) kerken wege(n) men he(m)/ in gereede(n) penn(ingen) soude hebben moete(n) oplegge(n) zij he(m) bekinde(n)/ inde(n) name als voe(r) volcomelijc v(er)nuegt en(de) betaelt te zijne/ It(em) dat zij en(de) hue(r) nacomelinge(n) inde(n) voirs(creven) officie(n) sulle(n) besorge(n)/ en(de) doen doen de voirs(creven) singen(de) messe met dyake(n) en(de) subdyake(n)/ behoirlijck alle jae(re) op sint anne(n) dach En(de) voirtaen(e) alle/ dijssendage inde weke d(air) voe(r) hebben sullen de ghene die/ de messe singen sal vie(r) ryns gul(den) de vicarijse int gemeyn(e)/ want elc in turno suo de evangelie en(de) ep(iste)le(n) singe(n) sal drie/ ryns gul(den) die zij gelijc deylen sullen en(de) vand(en) achste(n) r(yns) gulden(en)/ sal de kercke hebben vie(r) stuv(er)s en(de) de coste(r) voir zijn luyden en(de)/ bereetscap te maken vanden autae(r) te maken dwelck hij
//
sculdich sal zijn te doen(e) sesthien stuv(er)s It(em) dat de voirs(creven) her/ jan soe lange hij leeft en(de) hem belieft de voirs(creven) messe/ voir yeman(de) anders sal moegen doen oft doen doen bijden/ genen dien hem believe(n) sal sonder dat prochiaen oft/ kerckmeesters hem dair inne e(n)nich belet sullen/ moegen doen En(de) nae zijne doot en(de) niet eer sal de/ prochiaen ten tide zijnde die moegen doen doen/ bijden genen die he(m) believen sal en(de) om den prijs/ voirs(creven) de welcke nae de doot voirs(creven) sculdich sal/ sijn terstont nae de offerande te doen lesen eenen/ pater noster en(de) ave maria voir de salicheyt/ vander sielen des fundateurs en(de) alle de ghene/ die behulpich zijn sullen totter voirs(creven) messen aen/ onderhouden van ornamenten lichte ende anders/ En(de) hebben gelooft de voirs(creven) p(ro)chiaen en(de) meesters renu(n)/ cie(re)nde (et)c(etera) als kerckmeesters voirs(creven) en(de) opte verbintenisse/ van allen den goeden die de voirs(creven) kercke tegewoirdelijck/ heeft oft namaels hebben sal moegen goet vast gestentich/ en(de) van weerden te houden en(de) te voldoen(e) tgene des voirs(creven)/ is tot ewigen dagen It(em) de voirs(creven) prochiaen ter eenre en(de)/ de voirs(creven) kerckmeesters ter ande(re) hebben v(er)cleert v(er)accordeert/ te zijne aengaen(de) den offe(r) die int geheel come(n) sal opte(n)/ autae(r) van sint a(n)nen des dijsendaigs ter stoelen die sal/ s(in)[t] anne alleen(e) hebben desgelijx allen den offe(r) die ter/ stoolen come(n) sal op sinte anne(n) dach die sal s(in)[t] a(n)ne oick/ alleen(e) hebben mair dat opten selven dach ten autae(r) geoffert/ sal wordden dien offer sal toebehoe(re)n half der kercken en(de)/ half s(in)[t] annen des sal den selven p(ro)chiaen volgen uuyte(n) stocke/ van s(in)[t] annen tsjaers een(en) ryns gulden(en) It(em) in gevalle men in/ toecomen(de) tijde gebreckelijc wae(r) inde messe en(de) dienst te doen(e) in/ die(n) gevalle sal de voirs(creven) h(er) jan soe v(er)re hij leeft oft zijn(en) naco/ meling(en) die rinte trecke(n) en(de) dist(ri)bue(re)n die de(n) heylig(en) gheest/ oft d(air) hem dat believe(n) sal yemants wed(er)segge(n) tegenstaen(de) It(em)/ sullen gehoude(n) zijn de selve messe allet jair doe(r) sdijst(er)d(aghs)/ te doen soe vollic de mette[ne(n)] uuyt zijn en(de) de custe(r) sal sculd(ich)/ zijn voe(r) de messe te luyden(e) en(de) te beyaerden(e) gelijc hij doe(n) moet/ in ande(re)n singen(de) messen als sheylichs cruys sacraments oft ons(er)/ liev(er) vrouwen misse cor(am) buetsele bouchout augusti x