SAL7786, Akte: R°9.1 (13 van 839)
Akte R°9.1
Act
Datum: 1501-07-03
Transcriptie
2021-05-02 door Walter De SmetIt(em) h(er) jan py(n)noc ridde(r) nu scepen(e) te loeven(e) in p(rese)ncia heeft gekint/
en(de) gelijdt dat in reco(m)pense va(n) seke(re)n geleenden pe(n)ni(n)gen die hem h(er)/
jan sijx prieste(r) cappellaen der kercken va(n) s(in)[te] pet(er)s te loeven(e) tot zijnder/
begerrten duechdelijc geleent heeft hij den selve(n) hee(re)n ja(n)ne sijx v(er)cocht/
heeft alsulken tseve(n)tich mudden rox maten va(n) loeven(e) als hij liggen(de)/
heeft inder stadt va(n) thiene(n) op eene(n) solde(r) aldair elc mudde om en(de)/
voe(r) een croone te vie(re)ntwintich stuvers Heeft voirt den selven hee(re)n/
ja(n)ne sijx in reco(m)pense va(n)d(en) selve(n) geleenden pe(n)ni(n)gen gecedeert/
getransporteert en(de) ov(er)gegeve(n) en(de) mits desen cedeert transporteert/
en(de) ov(er)gheeft alsulke tseve(n)tich mudde(n) rox eens als hem de wy(n)ne/
van walsberghe sculdich en(de) tachter es En(de) heeft voirts ov(er)gegeve(n)/
en(de) geconsenteert dat den selve(n) hee(re)n ja(n)ne sijx aen den selve(n) wy(n)ne/
jairlix volgen sullen xiii(½) mudde(n) rox love(n)s en(de) xiii(½) rinsschegulden(en)/oens alsoe en(de) dat de wy(n)ne va(n) walsberghe hem die jairlix sal/
betalen in afslage zijnder pechti(n)gen alsoe lange als de pechti(n)gen/
die de voirs(creven) h(er) jan py(n)noc aen tselve hof heeft dueren sal Geloven(de)/
hem d(air)tegen ne(m)mermeer stoot hinder oft letsel te doen(e) bij he(m) selve(n)/
noch nyeman(de) anders mair d(air)af tege(n) eene(n) yegelijke(n) inne te staen(e)/
en(de) warant te zijne cor(am) buetsele baets julii iii
Nagekeken door: Jan Boncquet
Moderator: Jan Boncquet
Laatste update:: 2019-05-08 door Jos Jonckheer