Alsoe als ten vervolgen g(er)truyt va(n) vlaende(re)n geleyt zijnde/ nae des(er) stadt recht voir her wettich gebreck uut crachte/ va(n) scepen(en) brieve(n) va(n) loeven(e) tot allen de goede(n) beyde/ have en(de) erve wault(er)s meys en(de) jan va(n) broicelle? geheet(en) bo(m)merie? zoe wair die gelegen zijn met brieve(n) va(n) des(er)/ stadt gescreve(n) es geweest aen(den) meye(re) va(n) wavere oft zijn(en)/ stadhouwe(re) en(de) ernstelic versocht alle de goede der/ selver p(er)soen(en) ond(er) hem gelegen te leve(re)n en(de) peyselic/ te doen volg(en) den voirs(creven) geleydde(n) ofte(n) bringe(r) sbriefs/ in hue(re)n name en(de) den selve(n) p(er)soen(en) dach [va(n) rechte] te doen besceyde(n)/ op heden dienen(de) voir meye(re) en(de) scepen(en) va(n) loeven(e) Ald(air)/ niema(n)t [va(n) hen] gecomp(ar)ee(r)t en es noch procur(eur) va(n) hue(re)n wegen/ den voirs(creven) geleydde(n) compare(re)nde en(de) recht voirts versueken(de)/ soe hebben de scepen(en) va(n) loeven(e) t(er) maniss(en) smeyers/ gewes(en) met vo(n)nisse nae dien jan dridoens bode va(n) des(er)/ stadt gecleert heeft de leveringe en(de) executie van des(en)/ bijd(en) voirs(creven) meye(re) gedaen te zijne nae inhout sbriefs/ datme(n) den geleydde(n) vande(n) gelev(er)d(en) goede(n) houde(n)/ sal inde macht va(n) zijn(en) scepen(en) brieve(n) soe verre alst/ noch voir scepen(en) come(n) is In sca(m)pno nove(m)br(is) xx