Allen (et)c(etera) doen condt dat meest(er) jan wynckel notar(is)/ der aerwerdig univ(er)siteyt inder stadt van loeven(e)/ en(de) peet(er) colkies als executeurs vand(en) testame(n)te/ en(de) uut(er)ste(n) wille vrou katlijne(n) wijle(n) absoloens/ wed(uwen) he(r)en jans wijle(n) van ranshem ridders in p(rese)ntia/ hebbe(n) inde(n) name en(de) va(n) wege(n) der selver executie(n)/ gecedeert getransporteert en(de) ov(er)geg(even) en(de) mits des(en)/ cede(re)n transporte(r)en en(de) ov(er)geg(even) bruede(re)n severijne/ mathijs p(ro)cur(eur) des godshuys va(n) bethleem bij loeven(e)/ tot behoef desselfs godshuys alsulke vijf rinsguld(en)/ te xx st(uvers) tstuck erflijc vallen(de) jairlijcx half xxvii ja(nua)[rii]/ en(de) halff xxvii julii als de selve vrouwe katlijne/ ander meer rente(n) met brieve(n) d(er) stadt va(n) loeven(e)/ hadde en(de) houden(de) was opde stadt va(n) loeven(e) met/ brieve(n) ond(er) der selver stadt zegele d(air)op gemaect/ vand(en) xxvii julii a(nn)[o] xv[c] ende hebbe(n) d(air)om de selve/ brieve met alle den rechte en(de) actie(n) die de selve/ vrouwe d(air) af hadde ov(er)gegeve(n) ten selve(n) rechte/ en(de) dat in voldoeni(n)gen en(de) bewijssenisse(n) va(n) alsulcke(n)/ vijf r(ins)guld(en) erflijc als de selve wijle(n) vrouwe/ katlijne in hue(re)n testame(n)te den selve(n) goshuyse/ gemaect en(de) gelaten heeft voe(r) seke(re) lasten/ die tselve godshuyse d(air) voe(r) gehoude(n) is te doen(e)/ nae inhoude(n) des testame(n)ts eisd(em)