Vand(er) questien geport voir den raide/ vand(er) stadt tusschen de bedesetters sdorps/ van oplynte(r) ter eenre ende meeste(re)n/ g(er)de van baussele ter ande(r) zijden/ aengaen(de) de beden van twee boende(re)n/ beemps die de selve meest(er) gheerdt/ liggen(de) heeft toplynthe(r) en(de) die hij te/ leene houden(de) es vanden heerscape/ van redinge(n) D(air)af de voirs(creven) bedesetters/ hem bede eysschen(de) wae(re)n sustine(re)nde/ dat hij die sculdich soude sijn te betalen(e)/ want sijn vad(er) voe(r) en(de) hij nae vand(en)/ selve(n) goeden altijt bede gegeve(n) hadde(n)/ uuytgenome(n) vanden tijde dat zij/ d(air)af hadden moeten dienen dwelc/ zij p(rese)nteerden te thoone(n) soe v(er)re hen/ dat ontkint wordde En de voirs(creven) D(air)op de/ voirs(creven) m(eester) g(er)dt sustineerde de [ter] contrarien seyde/mits dat de(n) selve(n) beempt was eene(n)/ lee(n)beempt en(de) tande(re)n tijden gespleten/ uuyt vie(r) boende(re)n beemps welk dieme(n)/ in twee volle leene(n) houden(de) was vand(en)/ hee(re) vanden oplynthe(r) en(de) d(air)af hadde/ sijn vad(er) voe(r) en(de) hij nae bij wijlen h(er)toge(n)/ kaerle en(de) ande(re)n p hee(re)n en(de) princen/ van des(en) lande alle wegen gedient/ ind(en) orlogen dwelc hij oft hem o(n)tkint/ wordde p(rese)nteerde te bewijsen(e) Ende al/ mochten de voirs(creven) bewijsen dat sijn vad(er)/ oft hij ald(air) e(n)nige bede betailt hadden/ dat mocht wel sijn van ande(re)n chijsgoed(en)/ die zij ald(air) meerliggen(de) hadden (et)c(etera)?/ Sustine(re)nde alsoe voir sijne conclusie/ dat hij met gheene(n) twee roeden en/ behoirde geslagen te sijne als van dienste/ en(de) beden te betalen(e) beyde van eene(n)/ goede en(de) alsoe der ae(n)spraken o(n)gehoude(n)/ te zijne want soude dat soe sijn soe/ souden de goede ma(n)ne(n) leene(n)/ hebben(de) grootelijc gegraveert sijn dat
//
zij tot eenen tijde soude(n) dienen en(de) ten ande(re)n/ tijde als zij nyet en dienen moeten bede/ geven Ende nae dien p(ar)tien in wed(er)zijde/ tot hue(re)n thoone hebben geweest geadmitteert/ hebbe(n) de voirs(creven) bedesetters genoech gethoont met hue(re)n/[boeken] dat de vad(er) en(de) sone voirs(creven) div(er)se jai(r)en/ hebben bede betailt sond(er) te specifice(re)n van/ wat goeden thoonden oic wel met/ div(er)sen bedesette(re)n dat zijde bede alsoe/ gehaven hadden van desen en(de) hue(re)n ande(re)n/ goeden die zij ald(air) liggen(de) hadden alsmen/ vanden leene(n) gheenen dienst en dede/ sond(er) nochtan te v(er)clae(re)n dat van desen/ goeden specifice alle en(de) bede betailt wae(r)/ dan altijt met meer ande(re)n goeden/ Ende de voirs(creven) meest(er) g(er)dt thoonde dat/ den beempt daer questie om is was/ leen en(de) gespleten uuyte(n) voirs(creven) vie(r)/ boende(re)n alsoe hij hem v(er)mete(n) hadden/ en(de) dat sijn vad(er) te div(er)se stonden ond(er)/ den hee(re) van p(er)weys den meye(r) van/ loven(e) en(de) meer ande(re) gedient hadde/ en(de) oic den vi[en] pe(n)ni(n)ck d(air)af eens betailt/ hadde welken thoon alsoe geleydt zijnde/ Es bijden raide vand(er) stadt notabelijc/ v(er)gadert sijnde uuytgesproken en(de) get(er)mineert/ voir recht dat meest(er) gheerdt mits/ dat de goede dair questie af es bevonde(n)/ sijn volle leenen te sijne dat hij d(air)af gestaen/ sal metten dienste sond(er) bede d(air)af te/ geven(e) behalven den selven vanden/ dorpe huer(en) actien vanden ande(re)n goed(en)/ die meest(er) g(er)dt ald(air) liggen(de) heeft het/ zij van gespleten leenen oft ande(re)n/ chijsgoeden In (con)s(ili)[o] opidi julii ix