It(em) jouffr(ouwe) (christ)ine vilters weduwe wouters/ wijlen van langrode met henricke/ van beringen hue(re)n swag(er) hue(re)n mo(m)boir/ haer in desen met rechte v(er)leent ter/ eenre zijden ende denijs van langrode/ brued(er) desselfs wijlen wouters ter ande(re)/ in p(rese)ntia hebben gekint en(de) geleden dat/ zij bij tusschen spreken(en) van goeden ma(n)nen/ hue(re)n vrienden aengaen(de) den goeden/ sculden en(de) wed(er)sculden des voirs(creven) wijlen/ wouters ende oic der duwarien der voirs(creven)/ weduwen met malcande(re)n sijn v(er)accordeert/ der pointen voirw(er)den ende conditien/ hier naevolgen(de) Inden iersten dat de/ voirs(creven) denijs vanden dage van heden/ en(de) van nu vortaen(e) hebben ae(n)veerden/ ende houden sal als zijn p(ro)per alle de/ goede het zijn leene chijs oft eyge(n) goede/ hoe die genoemt oft waer die belege(n)/ sijn opten co(m)mer ende last dair uuyt/ gaende oft d(air)voe(r) die met beleyden
//
oft anders met v(er)bintenissen des voirs(creven)/ wijlen wouters belast sijn ende vorts opte(n)/ co(m)mer voir de duwarie der voirs(creven) jouffr(ouw)[en]/(christ)inen van achtien hollan(sche) guld(en) te xvi st(uvers)/ loopend(en) mu(n)ten tstuc der selver jairlijcx/ opten xxviii[en] dach van julio te betalen(e)/ alsoe lange zij leven sal en(de) niet/ lange(r) Met conditien dat de voirs(creven)/ denijs die duwarie van xviii holl(ansche) g(ulden)/ sal mogen lossen en(de) afquiten tot eene(n)/ oft tot twee male mair niet myn/ dan de helicht tot eene(n) male ende elken pe(n)ni(n)ck met thien(en) gelijken pe(n)n(inge)n/ ind(er) weerden voirs(creven) ac cu(m) Met/ sulker cond(ici)[en] vorts dat soe v(er)re de/ voirs(creven) denijs die afleet int geheele/ oft de helicht bynne(n) den yersten jai(r)e/ dat hij van alsoe vele als hij afleet o(n)gehoud(en)/ sal sijn van e(n)nige(n) pachte te betalen(e) It(em) dat/ den voirs(creven) denijse oic volge(n) sullen en(de)/ toebehoi(r)en alle haeffelijke goede ende/ sculden die den voirs(creven) woute(re)n toebehoird(en)/ en(de) men hem sculdich was de welke/ alle tsamen de voirs(creven) weduwe mits/ desen den voirs(creven) denijse transporteert en(de)/ ov(er)geeft Ende des sal de voirs(creven) denijs/ sculdich sijn alle des voirs(creven) wouters sculde(n)/ te betalen en(de) der voirs(creven) weduwe(n) d(air)af te/ lossen It(em) dat de voirs(creven) denijs gheene/ vand(en) voirs(creven) goeden en sal moge(n) v(er)thie(re)n/ oft belasten sond(er) conse(n)t der voirs(creven) wed(uw)[en]/ het en zij dat hij de voirs(creven) duwarie(n)/ afgeleet hebbe ende alsdan sal hij/ mette(n) selve(n) goeden zijne(n) vrijen wille/ doen Alle welke pointe(n) voirweerde(n)/ en(de) cond(ici)[en] voirs(creven) de voirs(creven) p(ar)tien malca(n)de(re)n/ geloeft hebben voir hen hue(re)n erfgename(n)/ en(de) nacomelinge(n) goet vast gestentich/ onv(er)breckelijc en(de) van weerden te houd(en)/ en(de) te voldoen(e) p(ro)ut Cor(am) butsele boech(out) junii xxviii