It(em) es vorweerde dat den bekinbrief van drie r(ins)g(ulden)/ erflijck bij ja(n)ne vand(en) bossche mychiele vand(en) berghe/ jacoppe vand(en) kerckove ende gielijse puttarts/ bekint der voirs(creven) jouffr(ouwen) katlij colline(n) le roy vand(er)/ daet penult(ima) octobr(is) a(n)ni xiiii[c] lxxxvii [en(de) oick dbeleyt d(air)uuyt gedaen] dair uuyt/ de voirs(creven) vestich(eit) mits bedwange va(n) rechte ende/ uuyt vo(n)nisse en(de) t(er)mi(n)atien vand(er) stad va(n) loeven(e)/ d(air) op geslag(en) junii v en(de) junii ix beyde lestleden/ es geschiet sal blive(n) acht(er)volgen(de) der voirs(creven) t(er)mi(n)atien/ in sijnder macht Te dier meyni(n)g(en) dat de voirs(creven)/ jouffr(ouwe) collijne ter stont sal doen doen de geboden/ teg(en) de beleyden ende in gevalle de geboden bij/ yemande gecalengieert wordde(n) oft dat de voirs(creven)/ jouffr(ouwe) coline e(n)nich gebreck bevonde bynne(n) den/ tijde dat de geboden voirs(creven) in wesen(e) sijn sulle(n)/ inde voirs(creven) gelufte(n) van genoechdoen(en) en(de) van/ wairscape dat zij dat gebreck en(de) opdie vuege/ mette(n) voirs(creven) yerste(n) bekinbrieve en(de) beleyde d(air)uuyt/ gespruyt sal moegen volgen en(de) verhalen nae/ inhoud(en) der selver brieve(n) Ende djair ende zesse/ weken leden zijnde en(de) de geboden ongecalengeert/ sal deselve jouffr(ouwe) coline den voirs(creven) mychiele den/ selve(n) bekin brief mette(n) beleyde ombelet laten volgen/ opde manie(re) ende ter meyni(n)g(en) dov(er)geve(n) op heden/ voir scep(enen) gedaen dat begrijpt En te deser/ meyni(n)g(en) es den selve(n) brief mette(n) beleyde alh(ier) tusschen
//
der selver jouffr(ouwen) coline(n) ende mychiele in een doose/ onder wet bleven d(air) op gescreve(n) staet coline le roy/ mychiel vanden berghe om eene(n)yegelijken van/ hen altijt opde vuege voirs(creven) dair mede behulp/ te doene als zij des in rechte behoeve(n) sullen Eisd(em)