Nae dien den raide der stadt van loven(en)/ bij supplicatien te kenne(n) gegeven is van weg(en)/ jans van rillae(r) schilde(r) van des(er) stadt/ d(at) hij heeft drie jae(re)n te weten(e) inden/ jae(re)n vijftich eenenvijftich en(de) tweenvijftich/ gewracht inder stadt halle telcken/ zesse wek(en) voe(r) love(n) kermisse zonder/ ophouden om te oversiene alle datter/ nootelijck zijn mochte en(de) tselve alsoe/ te v(er)siene en(de) te repareren datter gheen
//
confuijs oft pericule af en soude gebue(re)n/ ende dat hij d(aer) af bijnnen den selven/ drie jae(re)n nijet en heeft gehadt voe(r) zijn(en)/ dachue(re)n bij dien de rintmeeste(re)n hem hadd(en)/ geantwoirdt dat hij tselve wae(re) schuldich/ geweest van doen(e) op zijn(en) gagien die/ hij hebben(de) was dwelck hem onder/ correctie vand(en) heeren dochte o(n)redelijck/ te wesen want opde selve gaigen hadde/ hij vier malen sjairs moete(n) alle de/ habiten verlochten cloppen ende v(er)wijeren op d(at)/ zij nijet en soude bederven vand(en) schieters oft/ motten waermede wel verstrijcken(de) werdde/ meer dan een maent tijts en(de) d(at) hij d(aer) e(n) boven/ moet noch ontleene(n) acht daghe(n) voer love(n) kerss(miss)[e]/ ende bij wijlen hue(re)n zeke(re) habijte(n) als cappen/ epistelrocken stolen alben dwele(n) ende/ dlijnwaet van dien wedero(m)me doen waschen/ ende zuijveren tot zijn(en) coste en(de) pericule van(den)/ verlies Ende voirt noch vierthien(e) dag(en)/ nae de kermisse onledich zijn met de/ wagen(en) toncleede(n) en(de) te zuijvere(n) vand(er)/ o(n)reijnich(eiden) en(de) mett(en) wijnden elck op hue(re)/ plaitsen stellen waer mede hij grootel(ijck)/ belast wae(re) gemerct voe(r) de kermisse/ wae(re) zijn(en) meest(er) tijt gelege(n) om anderss(in)s/ p(ro)ffijt te moegen doen des hij nijet en can/ noch en mach gedoen mits den laste/ v(oir)s(creven) zoe dat hij jaerlijcx meer dan/ een vierendeel jairs oft vierthien(e)/ weken wae(re) om nijet en(de) met cleijn(en)/ p(ro)ffijte der stadt dienen(de) v(er)suecken(de) alsoe/ d(aer) op ooge en(de) co(n)sideratie genomen te/ werdd(en) en(de) hem zeke(re) dachue(re)n den tijt van/ dien zesse weken dueren(de) jairl(ijcx) te ordineren/ Es bijd(en) raide der v(oir)s(creven) stadt ijerst hier/ op gesprek(en) en(de) avijs genomen/ van(den) rintmeeste(re)n der selver stadt/ en(de) op al behoirlijck geledt overdragen
//
ende geaccorde(er)t datmen den selven/ janne van nu voirtaen(e) voer den/ selven tijt uuijten gemeijnen goed(en)/ vand(en) selve stadt zal gheven jairlijcx/ dueren(de) totten wederroepen van(den) stadt de/ so(m)me van zesse rinsg(ulden) behalve(n) dat/ hij hem oijck der stadt weerts d(aer) af quijte(n)/ zal zoe zijn(en) voirsaten hebben gedaen en(de)/gehoirt behoirt Aldus overdragen en(de) gedaen/ bijd(en) vollen raide der stadt van loven(en)/ en(de) gelast mij jheronimo edelheere/ des(er) stadt secretar(ijs) ter bewairnisse van(den)/ selven hier af acte te maken en(de) te geven/ daer tege(n)woirdich wae(re)n hee(re) jan vanden/ tijmple ridde(r) en(de) mathijs reijniers borg(er)/ meeste(re)n en(de) scepen(en) anthoenijs vander/ lijnden cornel(ijs) van graven gielijs/ van coelen joos de moor oijck scepen(en)/ en(de) de a(n)de(re) van(den) selven raide opd(en)/ xxviii dach junii a(nn)[o] xv[c] liii/