Condt zij een(en) ijegel(ijcken) hoe dat kaerle de cuijp(er)e sone/ wijlen geerts woonen(de) te loeven(en) heeft aengenomen/ en(de) verdinght te maken tegen geerde boels als/ meije(r) mathijsen reijniers will(em)en vanden broecke
//
claesen berthijns lambrechten van huldegaerden en(de) peeteren/ wagemans capelmeesters van sinte barbelen capelle binnen/ loeven(en) die welcke oyck bekende tselve tegen hem verdinght/ te hebben(en) te schilderen een taeffele van sinte barbelen/capelle autaer ind(e)[r] selver capelle metten voete/ beyde de dueren buyten en(de) binnen al even goet werckel(ijck)/ werck tot boven metten capitelen en(de) de drije santinne(n)/ boven opde voers(creven) taeffel staen(de) te weten(en) sinte barbel/ sinte kathlijn(en) ende sinte agneete al wel en(de) loffel(ijck)/ te stofferen en(de) vergulden wel en(de) werckel(ijck) naeden/ eijsch vander selver taefelen en(de) noch sal de voers(creven)/ kaerle schuldich zijn en(de) gehouden zijn de voers(creven) zesse/ meesters te conterfeijten nae dleven voer den selven/ autaer goet loffel(ijck) werck als boven met goede vaste/ coluere en(de) verwe naden eijsch en(de) advenant vand(er) wercke/ vand(er) taeffelen staen(de) inder capelle van(den) collegie(n) van savoye(n)/ en(de) boven dijen noch beter en(de) costel(ijck) verchiert die drije/ beelden en(de) taefffele nae advenant oft e(m)mers zoe goet en(de)/ beter van die taeffel van sinte (christ)offel inder kercken van sinte/ peeters es ende dit moet al volmaect en(de) geschildert/ zijn en(de) gelevert van sinte barbelen dach naestcomen(de) bijnnen ee(nen)/ jae(r) oft een maent daer voere ten waere bij ongevalle/ van siecten en(de) dat voer en(de) o(m)me de so(m)me van twee/ hondert en(de) vijff en(de) twintich carolusguld(en) te xx st(uvers) tstuck/ eens te betaelen(e) in vier termijn(en) te weten(en) te loven/ kermisse naestcomen(de) vijftich carolusguld(en) d(aer)aff te paessche(n)/ daer naestvolgen(de) noch vijftich carolusguld(en) d(aer)aff ende/ te love(n) kermisse daer naestvolgen(de) noch vijftich ca(rolus) g(ulden)/ daeraff en(de) tsurplus inde ganghinghe van sinte barbelen/ daer nae oft ombegrepen acht daghen daernae telcken/ termijn als verreijcte schult Met noch co(n)ditie ende/ voerwaerde dat de voers(creven) kaerle sal laeten maeken op/ zijn(en) cost een patroen alzoo groet wesen(de) als den/ back en(de) beyde de dueren vander selver taeffelen/ van ee(nen) excellenten meeste(r) waer nae hij sal moeten/ wercken beter en(de) nyet argere en(de) dat ter visitatien/ vanden meesters voers(creven) ende op dijen tselve patroen/ den meesters nyet aen en stont [stont] dat die selve kaerle
//

//
dat de selve carel dat zal moeten beteren op zijn(en) cost/ om alzoe een loffel(ijck) werck te hebben Item es noch/ conditie hoe wel tvoers(creven) werck bestaet is voerde so(m)me/ van twee hondert vijff en(de) twintich carolusguld(en) eens dat/ nochtans dijen nijet tegenstaen(de) de voers(creven) meesters tselve/ werck sullen mogen doen visiteren bij vier meester te/ weten(e) van elcker zijden twee die hen p(ar)tijen gelieven/ sal te nemen ten coste van(der) voers(creven) capelle en(de) op/ dijen vercleert wordde aen tselve werck min verdinght te zijn(e) dan die so(m)me voers(creven) dat die selve karel dat/ min sal moeten voldoen oft sal hem gecort wordde/ aen(de) voers(creven) so(m)me en(de) soe verre tselve werck oijck/ beter geestimeert wordde bijd(en) voers(creven) vier meesters/ achtervolgen(de) deser conditien soe sullen de voers(creven)/ meesters hem kaerle voer een sunderlinghe speciale/ gratie boven de voers(creven) so(m)me noch geven twelff k(arolus) g(ulden)/ eens en(de) dat zo verre de voers(creven) meesters begere(n)/ dwerck gevisiteert te hebben dwelck zij zullen/ mogen doen soe verre het hen gelieft en(de) anders nijet/ met oijck conditie dat de voers(creven) karel na datu(m)/ van desen nijet en sal mogen aenveerden eenich groot/ merckel(ijck) werck daer voe(r) dit voers(creven) werck soude/ mogen verachtert wordden en(de) daer voe(r) hij hem/ mits desen verobligeren(de) en(de) verbinden(de) Ende oft gebuerde/ dat de voers(creven) kaerle bijnnen middelen tijde quame afflivich/ te wordden eer tvoers(creven) werck al volmaect sal wesen/ soe sal men met meesters van schilders hen des wel/ verstaen(de) tselve werck doen visiteren om te moghen/ weten wat hij daer aen soude mogen verdient hebbe(n)/ en(de) dat zijn(e) huijsvrouwe oft erffgen(amen) te betaelen/ sonder dat tselve tot hueren coste voert soude moete(n)/ volmaect werdden en(de) innegevalle dat de voers(creven)/ kaerle meer penn(ingen) geheven sal hebben dan aen tselve/ werck verdient sal [soude] wesen dat selve te restituere(n)/ en(de) int selve hem selven in als verobligerende/ ende allen dese cond(itie)[n] en hebben de voers(creven)/ p(ar)tijen in wederzijden malcanderen geloeft te/ voldoen(e) tanquam asseguntum obligan(do) (et)c(etera) cora(m)/ schoer caverson xv aprilis