Item lijsbet inden berch docht(er) willems inden berch van werde es comen in jeghenwordicheiden der/ scepen(en) van lovene en(de) heeft ghekent en(de) ghelijt dat sij ghegaen es haers willen en(de) haers dancs/ met ja(n)ne ards sone henric ards uter p(ro)chien van bierbeke en(de) voert heeft ghekent en(de)/ ghelijt de voers(creven) lijsbet soe wat de voers(creven) jan ards met hae(r) begaen en(de) bestaen ocht ghedaen/ heeft en(de) soe wes tusschen hen beyden gheschiet es dat dat met haren wille en(de) haers dancs ghe/ schiet es en(de) hadde sijt noch te doene dat sijt noch doen soude hier waren ov(er) jan vande(n) huffle/ en(de) gielijs de rike scepen(en) van lovene int jaer onss m cccc en(de) twee opden elfsten dach in meye